Ўзбекистон республикаси олий ва ўрта маxсус таълим вазирлиги урганч давлат университети

3 Тасвирий фаолият машғулотлари учун материаллар ва ускуналар.
Тасвирий фаолият машғулотлари педагогик ўйланган моддий жихозланишни: махсус ускуналар, асбоблар ва тасвирий материаллари талаб қилинади. Машғулот ўтказиш учун шароит яратувчи барча предметлар тахталар, мольбертлар, тагликлар ва ҳакозолар; асбоблар: тасвирий жараёнида керак бўладиган қаламлар, мўйқаламлар, қайчилар ва бошқа нарсалар: тасвир яратишда ишлатиладиган тасвирий материаллари – жихозлаш ускуналарига киради. Мудира тарбиячи-методист билан биргаликда тасвирий фаолият машғулотларини муваффақиятли ўтказиш ва болалар ижодиётини ўстириш учун олинган борча керакли нарсаларини кўриб чиқади, материал ҳамда ускуналардан қандай фойдаланилаётганлигини, болаларда уларга нисбатан эҳтиёткорона муносабат тарбияланаётганлигини текшириб чиқади. Тасвирий фаолиятнинг ҳар хил турлари турлича жиҳозланади.
Расм-предметли, сюжетли, декоратив, ўйланган фикр бўйича солиш машғулотлари учун ленолиум қопланган доскалар (деворга ва полгп қўйиладиган); болалар чизган расмларни намойиш қилиш учун учта рейкали доскалар; натура учун таглик; столга қўйиладиган доскалар–йиғма мольбертлар (катта гуруҳлар учун) ва бошқалар керак бўлади.
Гуруҳда сексияларидан бирига ленолиум, иккинчисига фланель қопланган, учунчисига эса рейка қоқилган, уч сексияли, комбинасия қилинган, деворга ўрнатиладиган досканинг бўлиши мақсадга мувофиқдир. Болаларнинг кўриш фаолиятини сақлаш мақсадида катта гуруҳларда сатҳи қия турадиган индивидуал тахталардан фойдаланиш мақбулдир, чунки бундай тахталар нурнинг кўзга бурчак остида эмас, балки перпендикуляр йўналишда тушишни таъминлайди.
Қаламлар. Расм солиш учун болаларга рангли қаламлар набори керак: кичик гурухда бешта қаламдан (қизил, кўк, яшил, сариқ, ва қора); ўрта гуруҳда-олтита қаламдан (қизил, кўк, яшил, сариқ, қора ва жигар ранг) фойдаланилади; катта гуруҳларда юқорида айтилганлардан ташқари-қизғиш, бинафша ранг, тўқ қизил, пушти зангори, оч яшил ранглар қўшилади. Кичик гуруҳларда қаламлар думалоқ бўлиши керак. Катта гурухларнинг болаларига юмшоқ графитли қаламлар (“Школьное”, “Искусство” №1, 2) тавсия қилинади. Қаламни ишлатишга тайёрлашда ёғоч қатлами 25-30 мм олиниб, графити 8-10 мм очилади (рангли қаламларнинг ёғочи камроқ олиниши керак, чунки уларнинг ўзаклари йўғонроқ, қаттиқроқ босганда уваланиб, синиб кетади).