Ўзбeкистoн рeспубликaси oлий вa ўртa мaxсус тaълим вaзирлиги aндижoн дaвлaт унивeрситети

Fanning maqsad va vazifalari


Fan maqsadi – “Hayvonlar ekologiyasi” fanining maqsadi bo’lajak biolog mutaxassislarga hayvonlar autoekologiyasi, populyasiyalari dinamikasi, sinekologiyasi haqida keng qamrovli nazariy bilim berish, amaliy ko’nikmalarni hosil qilish.
Ushbu maqsaddan kelib chiqqan holda mazkur o’quv faniga quyidagi vazifalar yuklatiladi:

• 
  O’quv kursining ilmiy-nazariy asoslariga oid bilimlarni berish;
  
• 
  biosferada, ayniqsa, hayvonlar tufayli qishloq xo’jaligida yuzaga keladigan ekologik munosabatlarning shakllanishiga bog’liq bo’lgan masalalarga doir ko’nikmalarni hosil qilish;
  
• 
  hayvonot olami, jumladan ekotizimlarni tabiiy va antropogen omillar ta’sirida buzilishini oldini olishga qaratilgan chora-tadbirlarni qo’llash malakalarini berish.
  

Hayvonlar ekologiyasi o’quv kursini o’zlashtirish jarayonida:
bakalavr: “Hayvonlar ekologiyasi” fanining nazariy kursi bo’yicha talabalar mazkur fanning maqsad va vazifalari, ekologik omillarni Hayvonlarga ta’sirining umumiy qonuniyatlari, y eng muhim ekologik omillarninng hayvonlar hayotidagi o’rni va ahamiyati, ularning ushbu omillarga adaptatsiyalanish xususiyatlari, biologik maromlar, oziqlanish omillari, biotikomillar, hayvonlar populyasiyalarining o’ziga xos xususiyatlari, sur’atlari va o’zgarishi, populyasiya to’lqini va uning sabablari, populyasiya sur’atlarini boshqarilishining umumiy qonuniyatlari, biotsenoz, biogeotsenozva ekosistemalar, ularda hayvonlarning o’rni va ahamiyati, biogeotsenozlarning o’zgarishi va rivojlanishi, biogeotsenoz va ekosistemalarda energiya va moddalar oqimi jarayoni, unda hayvonlarning o’rni va ahamiyati, amaliy ekologiyaning hozirgi zamon muammolari va tabiatni muhofaza qilishning ilmiy asoslari haqida atroflicha va chuqur nazariy bilim olishlari zarur.
“Hayvonlar ekologiyasi” fanining amaliy mashg’ulotlarida talabalar nazari yolgan bilimlarini amaliy mustahkamlaydilar. Ular hayvonlarning alohida olingan ekologik omillarga morfo-ekologik moslanish xususiyatlarini, ularning hayotiy shakllarini, ular o’rtasidagi biotik munosabatlarning aniq misollar asosida tahlil qiladilar. Yeng muhim biotsenozlar va ekosistemalardagi hayvonlar dunyosining tur tarkibini tadqiq etish ular o’rtasidagi munosabatlarni tahlil etish, ekosistema va biosferani funksiyalanishida hayvonlarning o’rnini aniqlash va baholash bo’yicha amaliy o’quv va ko’nikmalarga ega bo’lishlari lozim.