Ўзбекистон республикаси олий ва ўрта маҳсус таълим вазирлиги

Натурал пемза — ер остидан отилиб чиққан тог жинсидир, сунъий пемза 
— қумдан ёки майдаланган тупроқдан тайёрланади. Заррачаларининг майда-
йириклигига қараб сунъий пемза йирик донли ва майда донли бўлади. 
Жилвир ва ойна қумли қоғоз — бўяладиган юзаларни тозалаш ва 
силлиқлаш учун қоғозни кичикроқ тўрт қиррали ёгочга маҳкамлаш керак. 
Қоғоз ҳар хил рақамли, яъни қуми энг майда 0 рақамлидан, анча йирик 
қумли 1, 2 ва 3 рақамлигача қилиб чиқарилади. Бунинг учун пишиқ қоғоз ёки 
газлама ишлатилади.
Шпатлевкалар — алиф, лок ёки елим эритмаси билан кукун 
тўлдиргичларни обдон ишқалаб эзилган бўтқасимон ашё. Кукун тўлдирғич 
сифатида бўр, дала шпати, туйилган қипиқ, писта кўмир ва ҳоказоларни 
ишлатиш мумкин. Текисланган юзанинг нуқсонлари (чуқурлар, ёриқлар, 
урилганда шикастланган жойлар ва ҳоказо) кўп-камлигига қараб, 
шпатлевкалар суюқ ва қуюқ қилиб тайёрланади. Қуюқ шпатлевкалар айрим 
жойлардаги нуқсонларнигина текислаш учун ишлатилса, суюғи нуқсонлари 
кўп бўлган юзани ёппасига текислаш учун ишлатилади. Шпатлевкалар юзага 
пухта ёпишиши, қуриганда эса майда дарзлар бўлмаслиги керак. Сувли 
бўёқлар билан бўялган юзаларни шпатлевка қилишда елимли, купоросли ва 
ПВА ли шпатлевкалар ишлатилади. 
Полимер оҳак шпатлевкаси — оҳак бўтқаси, чангсимон майда кварц 
қуми (маршалит) ва поливинилацетат(ПВА) таркибли эмульсияга 
намланмайдиган кремний органик суюқлигини сув билан обдон қориштириб 
тайёрланади. Эмульсия деб, боғловчи модда билан (лок-бўёқ ёғи) обдон 
туйилган чангсимон қумнинг аралашмасига айтилади. Бундай шпаклевка 
деворни полимер-оҳак бўёқ билан пардозлашдан олдин бетон ёки сувоқ 
юзасини текислашда ишлатилади. Шпатлевка қуйидаги таркибда тайёрланади 
(оғирлик ҳисобида кг/т (%)): 
- поливинилацетатнинг 50% ли майин қуйқаси — 150 (14,7%); -оҳакнинг 
50% бўтқаси — 200 (19%); 
- кварц қуми (маршалит) — 637 (60%);намланмайдиган кремний органик 
суюқликнинг 20% ли эритмаси3 (0,3%);сув-60 (6%).