Ўзбекистон республикаси олий ва ўрта маҳсус таълим вазирлиги ислом каримов номидаги

Якка эталон - бирликни қайта тиклаш ва (ёки) сақлаш учун таркибида битта ўлчаш воситаси (ўлчов, ўлчаш асбоби, эталон ускуна) бор бўлган эталон.
Якка эталонга масса бирлиги эталони-килограмм мисол бўлади (платиноиридийли тошлар кўринишида амалга ошириладиган, баъзи эталонларда - пўлат тошлар).
Гурухли эталон - бирликни қайта тиклаш аниқлигини ошириш ёки уни сақлаш учун биргаликда қўлланиладиган, бир хилли ўлчаш воситаларининг мажмуидан таркиб топган эталон. Бир хил ўлчаш воситалари ёки эталон ускуналар билан ўлчаш натижаларининг ўртача арифметик қиймати одатда ўлчашлар натижаси сифатида қабул қилинади. Гуруҳли эталонларга 20 та бир хил ЭЮК ўлчовларининг гуруҳидан иборат - нормал элементлардан (Вестон элементларидан) ташкил топган электр кучланиши бирлигининг эталони мисол бўла олади. Гуруҳли эталонлар доимий (ўзгармас) ёки ўзгарувчан таркибли гуруҳли эталонларга бўлинади.
Доимий таркибли эталонларда ўн йиллаб ўлчаш воситаларининг бир хил нусхаси ишлатилади.
Масалан, электр қаршилиги бирлигининг эталони - Ом, электр қаршилигининг 10 та манганинли герметик электр қаршилигининг ўлчаш ғалтакларидан иборат бўлади.
Ўзгарувчан таркибли гуруҳли эталонларга мунтазам равишда янгилари билан алмаштириладиган ўлчаш воситалари киради.
Бундай эталонларга электр кучланиши ва ўзгармас ток электр юритувчи кучи бирлигининг гуруҳли эталони мисол бўлади.
Эталон тўплами - ўлчаш воситалари диапазонларининг бирлашмасидан иборат бўлган диапазонда бирликни қайта тиклаш ва (ёки) сақлашга имкон берувчи, кўрсатилган шу ўлчаш воситаларининг мажмуидан ташкил топган эталон.
Мисол - эталон майда қадоқ тошлар (эталон қадоқ тошлар тўплами), ареометрларнинг эталон тўплами.
Эталон тўпламлари ҳам худди гуруҳли эталонлар каби доимий ва ўзгарувчан таркибли эталонларга бўлинади.
Катталик бирлигини қайта тикланадиган класси бўйича асосий ва ҳосилавий бирликларни қайта тиклаш эталонларига ажратилади.
Умуман, ўлчашлар бирлилигини таъминлаш учун эталонлар ёрдамида фақат асосий бирликларни марказлаштирилган тарзда кайта тиклаш етарли. Ҳосилавий бирликларнинг ўлчамлари эса махсус талабларга қаттиқ риоя қилинган ҳолда билвосита ўлчашлар йўли билан олиниши мумкин. Лекин, ўлчаш аниқлигининг умумий даражасини кўтариш учун замонавий технологиялар учун зарур ва бирлик ўлчамларини узатиш оперативлигини (тезкорлигини) кўтариш учун эталонлар ёрдамида ҳосилавий бирликларни ҳам қайта тиклаш кенг қўлланилади.
Бирликни қайта тиклаш аниқлигининг даражаси бўйича ва метрологик тобелиги бўйича эталонлар бирламчи, иккиламчи ва ишчи эталонларга бўлинади.