Ўзбекистон республикаси олий ва ўрта махсустаълим вазирлиги тошкент тўҚимачилик ва

Қисқача хулосалар

IS-LM модели товар ва пул бозорларининг ўзаро алоқаларини ва ҳар икки бозорда биргаликда мувозанат ўрнатилиши механизмини изоҳловчи моделдир..
IS эгри чизиғи товар ва хизматлар бозорида пайдо бўладиган даромадлар даражаси ва фоиз ставкасининг комбинацияларини кўрсатади. IS эгри чизиғининг ҳар бир нуқтасида товар пул бозорида мувозанат таркиб топади.
LM эгри чизиғи ўзгармас нархлар шароитида пул воситалари бозорида вужудга келадиган фоиз ставкаси ва даромадлар даражасининг комбинацияларини кўрсатади. LM эгри чизиғининг ҳар бир нуқтасида пул бозорида талаб ва таклиф ўзаро тенг бўлади.
IS ва LM эгри чизиқларининг кесишув нуқтаси ҳар икки бозор учун мувозанат нуқтадир. Бу нуқтада асосий макроиқтисодий айният истеъмол, инвестиция, соф экспорт ва пулга талаб функциялари тенглигини тўлиқ қаноатлантиради.
Модел унда IS ва LM эгри ичизиқларининг ҳолати акс эттирадиган макроиқтисодий вазиятдан келиб чиқиб макроиқтисодий сиёсат усулларнинг қай бирини қўллаш, ёки уларни мувофиқлаштириш масалаларини ҳал этиш имконини беради.

Назорат ва муҳокама учун саволлар

1. 
   IS-LM модели қандай мақсадга хизмат қилади ва унга эҳтиёжни қандай асослаб бериш мумкин?
   
2. 
   IS-LM моделининг асоси бўлган тенгламаларни санаб беринг ва уларга тавсиф беринг.
   
3. 
   IS эгри чизиғининг моҳияти нимада ва қандай келтириб чиқарилади?
   
4. 
   LM эгри чизиғининг асосий ўзгарувчилари нималардан иборат ва у қандай келтириб чиқарилади?
   
5. 
   IS эгри чизиғи тенгламасидаги қайси параметр фискал ва пул кредит сиёсатининг нисбий самарадорлигини белгилайди ва нима сабабли?
   
6. 
   Моделда макроиқтисодий сиёсат юзага келишининг шартлари қадай?
   
7. 
   Ликвидлилик тузоғи қачон вазиятда юзага келади ва макроиқтисодий сиёсатга қандай таъсир кўрсатади?
   
8. 
   “Инвестицион тузоқ” атамаси қўлланиладиган макроиқтисодий вазиятни тавсифлаб беринг.
   

14-Мавзу. Иқтисодий ўсишнинг умумий тавсифи ва неокейнсча моделлари

1. 
   Иқтисодий ўсиш тушунчаси ва ўлчаниши
   
2. 
   Иқтисодий ўсишнинг омиллари ва типлари
   
3. 
   Иқтисодий ўсишнинг кейнсча моделларининг умумий тавсифи. Е. Домар модели
   
4. 
   Иқтисодий ўсишнинг Р. Харрод модели
   

1.