Ўзбекистон республикаси олий ва ўрта махсустаълим вазирлиги тошкент тўҚимачилик ва

Назорат ва муҳокама учун саволлар

1. 
   Иқтисодий ўсишнингнеоклассик моделлари неокейнсча моделлардан қайси жиҳатларига кўра фарқ қилади?
   
2. 
   Р. Солоунинг иқтисодий ўсиш модели қандай назарий асосларга эга?
   
3. 
   Барқарор динамик мувозанат деганда иқтисодиётнинг қандай ҳолати тушунилади? 4.Солунинг иқтисодий ўсиш моделида жамғариш нормасининг иқтисодий ўсишга таъсири
   

қандай изоҳланган?

5. 
   Капиталнинг чиқиб кетишини иқтисодий ўсишга таъсирини тушунтириб беринг?
   
6. 
   Аҳоли сонининг ўсиши капитал билан қуролланганлик даражасига ва ишлаб чиқариш ҳажмига қай йўсинда таъсир кўрсатади?
   
7. 
   Солоу моделида ифодаланган техник тараққиётнинг моҳиятини изоҳлаб беринг. 8.Фелпснинг “олтин қоидаси” моҳиятинит тушунтириб беринг.
   

9.Ж.Мид ўз моделида меҳнат унумдорлиги ва капитал ждамғаришининг ўсиши суръатлари ўртасидаги боғлиқлик қандай ифодаланган?

15-Мавзу. ХАЛҚАРО САВДО НАЗАРИЯСИ

1. 
   Халқаро савдонинг зарурияти ва унинг асосий кўринишлари
   
2. 
   А.Смитнинг мутлақ устунлик назарияси ваРикардонинг нисбий устунлик назарияси
   
3. 
   Хекшер – Олиннинг неоклассик концепцияси. Леоньтев таажжуби
   
4. 
   Халқаро савдонинг замонавий назариялари (Портер назарияси)
   

1. Халқаро савдонинг зарурияти ва унинг асосийкўринишлари

Ҳозирги замон иқтисодиётининг очиқлик даражаси яъни мамлакатларнинг ихтисослашуви ва улар ўртасида кооперация чуқурлашиб бормоқда. Мамлакатлар ўз иқтисодиётини ривожлантириш,иқтисодий муаммоларни ҳал қилиш борасида тадбирлар ишлаб чиқиш ва уларни амалга оширишда бу ҳолатларни этиборга олиши шарт.
Жаҳон савдоси ташқи иқтисодий алоқаларнинг асосий шаклидир. Унинг кенгайиши ва чуқурлашуви натижасида капитални четга чиқариш имкониятлари юзага келди ва унга боғлиқ равишда халқаро молия-валюта, кредит муносабатлари ривожланди.
Ташқи савдонинг вужудга келиши икки муҳим объектив сабаб билан изоҳланади.
Биринчидан, бу табиий ва хом ашё ресурсларининг мамлакатлар ўртасида нотекис тақсимланганлиги. Энг катта ҳудудга эга бўлган ёки ривожланган давлатлар ҳам барча ресурслар билан ўзини тўлиқ таъминлай олмайди. Улар ўзларида ортиқча бўлган ресурсларни экспорт қилишга ва мамлакатда тақчил бўлган ресурсларни импорт қилишга мажбурлар.
Халқаро савдо ривожланишининг зарурлигини белгиловчи иккинчи муҳим сабаб шундаки ҳамма мамлакатлар ҳам барча турдаги маҳсулотни бир хил самарадорлик билан ишлаб чиқара олмайди. Яъни бир товар Японияда арзон ишлаб чиқарилса, иккинчи товар Ўзбекистонда арзон ишлаб чиқарилиши мумкин. Шу сабабли ресурслардан самарали фойдаланиш мақсадида мамлакатлар ихтисослашадилар ва ўзаро савдо-сотиқни йўлга қўядилар.
Бу икки объектив сабаб ҳар қандай миллий иқтисодиётнинг такрор ишлаб чиқариши жараёнида халқаро савдонинг аҳамиятини аниқлайди. 90-йилларнинг бошларида халқаро савдо ҳажми АҚШда ялпи миллий маҳсулотнинг 16-18 фоизини, Германияда 30-39 фоизини ташкил этди. Шу даврда Ўзбекистон ялпи миллий маҳсулотида ташқи савдонинг улуши 10-12 фоиз атрофида бўлди.
Ташқи савдо халқаро айирбошлашнинг анъанавий шакли сифатида қуйидаги кўринишларни ўз ичига олади:

• 
  маҳсулотларни айирбошлаш: ёқилғи-хом ашё маҳсулотлари, қишлоқ хўжалиги маҳсулотлари, саноат маҳсулотлари;
  
• 
  хизматларни айирбошлаш: муҳандислик-маслаҳат хизматлари;
  
• 
  транспорт хизматлари, сайёҳлик ва бошқа хизматлар. Ҳозирги вақтда хизматларнинг жаҳон экспортидаги ҳиссаси 30 фоиздан ошиб кетди;
  
• 
  янги илмий-техник маълумотларни айирбошлаш: лицензиялар ва «ноу-хоу»лар. Улар ҳиссасига халқаро савдо айланмасининг 10 фоизига яқини тўғри келади.
  

Халқаро савдо маҳсулотлари, хизматлар ва фан-техника маълумотларини айирбошлашнинг барча кўринишлари ташқи савдо операциялари ёрдамида амалга оширилади. Улар ўз навбатида экспорт, импорт, реэкспорт ва реимпорт операцияларига бўлинади.
Экспорт операцияси - маҳсулотларни чет мамлакатларга чиқариш.
Импорт операцияси - маҳсулотни хорижий шерикдан сотиб олиш ва уни мамлакатга олиб келиш.
Реэкспорт операцияси - аввал импорт қилинган ва қайта ишлов берилмаган маҳсулотни чет элга олиб чиқиб сотиш.
Реимпорт операцияси - аввал экспорт қилинган ва у ерда қайта ишлов берилмаган маҳсулотни чет элда сотиб олиш ва мамлакатга олиб келиш.

2.