Ўзбекистон Республикаси Олий ва ўрта махсус таълим вазирлигининг 2019 йил " " даги " "-сонли буйруғининг иловаси билан фан дастури рўйхати тасдиқланган

II. Ўқув фанининг мақсади ва вазифалари


Фаннинг мақсади – иқтисодиётни модернизация қилиш шароитида инновацияларнинг моҳияти, аҳамияти ва зарурлигини кўриб чиққан ҳолда меҳмонхона хўжалигида инновацион фаолиятнинг мохияти ва асосий жиҳатлари, инновацион ёндошувларни татбиқ этиш хусусиятлари бўйича талабаларда билим, кўникма ва малакани шакллантиришдан иборат.
Фаннинг асосий вазифалари: инновация, инновацион муҳит, инновацион жараён, инновацион фаолият тушунчаларининг моҳияти ва мазмуни; инновация турлари; инновацияларнинг ҳаётийлик цикли ва функциялари; меҳмонхона хўжалигида инновацияларнинг таснифи; меҳмонхона хўжалигида инновацион ёндошувларни татбиқ этиш хусусиятлари; меҳмонхона бизнесида инновацион жараёнларнинг ривожланиши тарихи; меҳмонхоналарда электрон бошқарув тизимлари; меҳмонхона хўжалигида ахборот технологияларни татбиқ этишнинг замонавий йўналишлари; меҳмонхона бизнесида технологик инновациялар; инновацион фаолиятнинг давлат томонидан тартибга солиниши; меҳмонхона хўжалигида инновацион фаолиятнинг ҳолати ва ривожлантириш истиқболлари; меҳмонхонада инновацион фаолиятни бошқариш; инновацион фаолиятда интеллектуал мулк; меҳмонхона хўжалигида инновацион фаолият самарадорлигини; меҳмонхона хўжалигида инновацион фаолиятни режалаштириш бўйича маълумотлар бериш ҳамда талабаларда билим, кўникма ва малакани шакллантиришдан иборат.
Фан бўйича талабаларнинг билим, кўникма ва малакасига қуйидаги талаблар қўйилган.“Меҳмонхона хўжалигида инновациялар” фани бўйича бакалавр:

• 
  инновация тушунчасининг моҳияти ва мазмуни; инновацион жараёнлар назарияси; инновацияларнинг ижтимоий-иқтисодий тарақиётдаги ўрни; инновацияларнинг турлари; инновацияларнинг ҳаётийлик цикли ва функциялари; инновацион жараёнларнинг моҳияти; инновацион муҳит; инновацион фаолият; инновацион тадбиркорликнинг ташкилий шакллари; меҳмонхона бизнесида инновацион жараёнларнинг ривожланиши тарихи; глобаллашув шароитида меҳмонхона хўжалиги инновацион жараёнларининг ривожланиши; меҳмонхона хўжалигида инновацион ёндошувларни татбиқ этиш хусусиятлари ҳақида тасаввурга эга бўлиши;
  

• 
  меҳмонхона хўжалигида технологик инновацияларнинг моҳиятини; меҳмонхона хўжалигида технологиялар таснифини; меҳмонхона хўжалигида технологик инновацияларни татбиқ этиш амалиётини; инновацион ахборот технологиялари; меҳмонхоналарда виртуал ахборотлар тизимини; инновацион маҳсулотларни тарқатишнинг замонавий усулларини; меҳмохона бизнесида электрон тижоратни; меҳмонхоналарда инновацион бронлаштириш ва резервлаштириш тизимларини; геахборот тизимининг таркибий қисмларини; меҳмонхона хўжалигида маълумотлар базасини шакллантиришни; меҳмонхона хўжалигида маълумотлар базасини шакллантиришнинг дастурий таъминотини; янги хизматлар ишлаб чиқиш дастакларини; меҳмонхоналарни бошқариш тизимлари ва меҳмонхоналарда инновацион хавфсизлик тизимларини билиши ва улардан фойдалана олиши;
  
• 
  янги хизматлар ишлаб чиқиш босқич ва қадамларни амалга ошириш; инновацион стратегияни ишлаб чиқиш ва амалга ошириш; инновацион лойиҳаларни ишлаб чиқиш; меҳмонхона хўжалигида ахборот технологияларини қўллаш; инновацион маҳсулотларни реализация қилиш; меҳмонхона хўжалигида инновацион фаолиятни бошқариш; меҳмонхона хўжалигида инновацион лойиҳаларнинг иқтисодий самарадорлиги баҳолаш; инновацион фаолиятни молиялаштириш манбаларини танлаш; меҳмонхона хўжалигида инновацоин фаолиятни ривожлантиришнинг асосий йўналишларини аниқлаш; инновацион фаолиятни рағбатлантириш йўналишларини белгилаш кўникмаларига эга бўлиши керак.