Ўзбекистон Республикаси Олий ва ўрта махсус таълим вазирлигига

Ўзбекистон Республикаси Олий ва ўрта махсус таълим вазирлигига

“Ўзчармсаноат” уюшмаси Сизнинг 2022 йил 28 мартдаги

2/13-4/1-1473-сонли мурожаатингизга асосан қуйидагиларни маълум қилади.

Ўзбекистон Республикаси Президентининг 2022 йил 26 февралдаги “Чарм-пойабзал ва мўйначилик соҳаларида тайёр маҳсулот ишлаб чиқаришни қўллаб-қувватлашга доир қўшимча чора-тадбирлар тўғрисида”ги ПҚ-143-сонли қарорининг 11-бандида Олий ва ўрта махсус таълим вазирлиги, Бандлик ва меҳнат муносабатлари вазирлиги “Ўзчармсаноат” уюшмаси билан биргаликда Фарғона вилояти тажрибаси асосида кичик саноат зоналари ташкил этилаётган ҳудудлардаги фаолият юритаётган касб-ҳунар коллежлари ва техникумларда чарм, мўйна хомашёси ва жун тайёрлаш, жун, қоракўл ва сунъий чармдан буюмлар, чарм-атторлик маҳсулотлари, пойабзал ишлаб чиқариш йўналишларида ўқув ва амалиёт курслари ташкил этилишини йўлга қўйиш белгиланган.

Мазкур топшириқни ўз муддатида ва сифатли бажарилиши таъминлаш мақсадида кичик саноат зоналари ташкил этилаётган ва чарм-пойабзал ва мўйначилик соҳаси ривожланган Наманган, Андижон, Самарқанд, Тошкент вилоятлари ва Тошкент шаҳрида чарм, мўйна хомашёси ва жун тайёрлаш, жун, қоракўл ва сунъий чармдан буюмлар, чарм-атторлик маҳсулотлари, пойабзал ишлаб чиқариш йўналишларида ўқув курслари ташкил қилиниши таклиф этилади.

Ҳудудларда ташкил этилаётган ўқув курсларининг намунавий ўқув режа ва дастурларни ҳамкорликда ишлаб чиқиш юзасидан ишчи гуруҳ таркибида иштирок этиш учун Уюшма консултанти У.Максудова номзоди тавсия қилинишини маълум қиламиз.

Шунингдек, Уюшма томонидан мазкур йўналишлардаги касбларнинг малака талаби ва касб стандартдлари иловага мувофиқ юборилаётганлигини маълум қиламиз.

Раиснинг биринчи
ўринбосари А.Султанов

Ижрочи: Ф.Дониёров

Тел.: [phone] (125)