Ўзбекистон республикаси олий ва ўрта махсус таълим вазирлиги ўзбекистон республикаси

МБни мустақил равишда яратиш.
Янги маълумотлар базасини Устанинг ѐрдамисиз, мустақил равишда 
яратиш мумкин. Бунинг учун MS Access ишга туширилгандан кейин пайдо 
бўлган ойнадан «Новая база данных» (Янги МБ) параметрини танлаб, ОК 
тугмачасини босамиз. Агар МБ олдиндан очилган бўлса ѐки ишга тушириш 
ойнаси ѐпик бўлса, ускуналар панелидаги «Создать базу данных» (МБни 
яратиш) тугмачасини босиш ва сичқонча кўрсаткичини янги МБ белгиси устига 
олиб бориб, тугмачасини икки марта босиш керак. Шундан сўнг «Имя файла» 
(Файл номи) қаторига база номини ѐзамиз ва «Создать» (Яратиш) тугмачасини 
босамиз. Натижада бўш бўлган МБ танасини ҳосил қиламиз.
Маълумотлар базасини очиш.
МБни очишнинг икки усули мавжуд. Уни Access МББТни ишга тушириш 
жараѐнида ѐки у билан ишлаш жараѐнида очиш мумкин.
МБни Access билан ишлаш жараѐнида очиш учун «Файл» менюсида 
«Открыть» (Очиш) буйруғини танлаш керак. Шундан сўнг очилган ойнадан 
фойдаланиб (расм), қуйидаги ишлар бажарилиши керак: 
1. Адреслар панелида ѐрлиқ устида сичқонча белгисини жойлаштириб 
тугмачасини босиш ѐки «Папка» (Жилд) майдонида керакли МБ жойлашган 
диск ѐки жилдни танлаш. 

---

75 
2. Жилдлар рўйхатида керакли жилд устида икки марта сичқонча 
тугмачасини босиб, МБ жойлашган жилдни очиш. 
Агар керакли МБ топиш имкони бўлмаса «Сервис» тугмачасини босиш ва 
«Найти» (Топиш) буйруғини танлаш керак. «Найти» (Топиш) мулоқот ойнасида 
излаш учун қўшимча шартларни киритиш, сўнгра керакли параметр устида 
сичқонча тугмачасини босиш керак. МБни фақат ўқиш, яъни таҳрирламасдан 
кўриб чиқиш учун очганда «Открыть» (Очиш) тугмачаси ѐнидаги стрелкали 
тугмачани босиш керак ва «Открыть для чтения» (Ўқиш учун очиш) 
вариантини танлаш лозим. Access МББТни ишга туширишда экранда мулоқот 
ойнаси пайдо бўлади. Буни сиз яхши биласиз. Ундаги «Открыть базу данных» 
(МБни очиш) бўлимини танлаш ва таклиф этилаѐтган барча мавжуд МБлар 
рўйхатидан керакли МБни сичқонча тугмачасини МБнинг ѐзуви ва номи устида 
босиш билан очиш мумкин.