Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

П. Ф. Боровский номли тиббиёт колледжи 
“Таълим тўғрсида”ги Қонун, “Кадрлар тайёрлаш миллий дастури”да 
баркамол шахс ва малакали мутахассисни тарбиялаб вояга етказиш 
жараёнининг моҳияти тўлақонли очиб берилган. Айниқса, таълимнинг 
интеграллашуви бўлими талаба-ёшларнинг онгини дунёвий билимлар 
билан бойитишга, уларда табиий фанларнинг турли соҳаларига бўлган 
қизиқишини орттиришга қаратилган.  
Ўқитиш жараёнида ўқувчи-талабаларга шахс сифатида қаралиши, 
турли педагогик технологиялар ҳамда замонавий методларни 
қўлланилиши уларни мустақил, эркин фикрлашга, изланишга, ҳар бир 
масалага ижодий ёндошиш, маъсулиятни сезиш, энг асосийси, ўқишга, 
фанга, педагогга ва ўзи танлаган касбига бўлган қизиқишларини 
кучайтиради. Бундай натижага эришиш амалиётда ўқув жараёнида 
инновацион ва ахборот технологияларни қўллашни тақазо этади. Улар 
жуда хилма-хилдир. Биз улардан баъзилари ҳақида тўхталиб ўтамиз. 
 “Ақлий ҳужум” методи – ўқитувчи талаба эгаллаши керак бўлган 
мавзуни оддийдан – мураккабга томон босқичма-босқич лойиҳалаб боради. 
“Тармоқлар” методи – ўқувчи-талабани мантиқий фикрлаш, умумий 
фикр доирасини кенгайтириш, мустақил равишда адабиётлардан 
фойдаланишни ўргатишга қаратилган. 
“3х4” методи - ўқувчи-талабаларни эркин фикрлаши, кенг доирада 
турли ғояларни бера олиши, таълим жараёнида якка, кичик гуруҳ ҳолда 
таҳлил этиб, хулоса чиқара олиши, таъриф бера олишига қаратилган. 
“Блиц –ўйин” методи – ҳаракатлар кетма-кетлигини тўғри ташкил 
этишга, мантиқий фикрлашга, ўрганаётган предмети асосида кўп, хилма-
хил фикрлардан, маълумотлардан кераклигини танлаб олишни ўргатишга 
қаратилган.
“Интервью” техникаси ўқувчи-талаба савол бериш, эшита олиш, 
тўғри жавоб бериш, саволни тўғри тузишни ўргатишга қаратилган. 
Қўлланиладиган педагогик tехнологияларнинг моҳияти шундан 
иборатки, бунда мавзунинг турли тармоқлари бўйича бир йўла ахборот 
берилади. Айни пайтда, уларнинг ҳар бири алоҳида нуқтлардан муҳокама 
этилади. Масалан, ижобий ва салбий томонлари, афзаллик, фазилат ва 
камчиликлари, фойда ва зарарлари белгиланади. Бу интерактив технология 
танқидий, таҳлилий, аниқ мантиқий фикрлашни муваффақиятли 
ривожлантиришга ҳамда ўз ғоялари, фикрларини ёзма ва оғзаки шаклда 
ихчам баён этиш, химоя қилишга имконият яратади. 
Қуйида биз мазкур тажрибамиздан келиб чиқиб мавзуни ўқитиш ва 
ўзлаширишда самара бериши мумкин бўлган педагогик технологияларни 
мазмуни ва қўллаш усулини келтирамиз. 

---

63