Ўзбекистон республикаси олий ва ўрта махсус таълим вазирлиги ўзбекистон республикаси

II. Ўқув фанининг мақсади ва вазифалари

Фанни ўқитишдан мақсад - талабаларда маркетинг фаолиятини таҳлил қилишнинг мураккаб бўлган усуллари орқали турли рақобат жараёнларини, конъюнктуравий ўзгаришларни ёритиб бериш, шу билан бир қаторда босегментлаш, товарнинг сифати, унинг рақабатбардошлигини таъминлаш, фирманинг нарх, сотиш, коммуникация сиёсати ўрганиш бўйича назарий билимлар ва амалий кўникмаларни шакллантиришдан иборат.

Фаннинг вазифаси - талабаларга мамлакатни модернизациялаш шароитида маркетингнинг роли, маркетинг ва эҳтиёжнинг қондирилиши, бозорни сегментлаш воситасида эҳтиёжлар таҳлили, бозорнинг жозибадорлигини таҳлил этиш, маркетинг стратегиясини танлаш, тақсимот, нарх, коммуникация сиёсати каби масалаларни ўргатишдан иборат.
“Маркетинг” ўқув фанини ўзлаштириш жараёнида амалга ошириладиган
масалалар доирасида талаба:
- корхонада маркетинг фаолиятини ташкил этиш тизими, маркетинг комплекси, маркетинг фаолиятини режалаштириш, маркетинг хизматларини ташкил этиш, маркетингни ички ва ташқи муҳити, бозор конъюнктураси ва бозор сиғими, товар, нарх, сотиш ва коммуникация ҳакида тасаввурга эга бўлиши;
- замонавий маркетинг концепцияларини татбиқ этиш, маркетинг хизматларини ташқил этиш, маркетинг режасини ишлаб чиқиш, бозор ҳолати ҳақида ахборот тўплаш, қайта ишлаш ва таҳлил қилиш, бозор коньюнктурасини тадқиқ этиш, товар сиёсатини самарали бошқариш, товар рақобатбардошлигини ошириш, янги товарларга нарх белгилаш, маркетинг коммуникацияси элементларидан фойдаланиш, реклама самарадорлигини аниқлаш кўникмаларига эга бўлиши керак.
- мамлакатимиз иқтисодиётини таркибий ўзгартириш, уни диверсификациялаш ва модернизация қилиш, демократик бозор ислоҳотларини давом эттириш ва чуқурлаштириш шароитида талабга таъсир этувчи омилларни аниқлаш, бозор сиғими кўрсаткичини аниқлаш, рақобатбардошлик даражасини аниқлаш, аҳолининг харид фондини аниқлаш ва таҳлил этиш, корхонанинг маркетинг фаолиятини таҳлил этиш бўйича малакаларига эга бўлиши керак.