Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети педагогика ва психология кафедраси

8-СЕМИНАР МАШҒУЛОТИ. ХОРИЖИЙ МАМЛАКАТЛАРДА ТАЪЛИМ ТАРАҚҚИЁТИНИНГ АСОСИЙ ЙЎНАЛИШЛАРИ ВА ИЛҒОР ХОРИЖИЙ ТАЖРИБАЛАР

Модулли-кредит тизими. Масофавий таълим. Blended learning. Маҳорат дарслари. Ассесмент технологияси. Вебинар технологиялар.

Семинар машғулотининг бориши: 1-босқич. Ўқитувчи талабаларни давомат қилади. Ўқитувчи дарснинг бошланишида талабаларни хоҳиши орқали 4 та гуруҳларга ажратади (3 дақиқа). 2-босқич. Мавзуга оид кейс топшириқлари бажарилади (40 дақиқа). 3-босқич. Мавзуга оид тест топшириқлари бажарилади (27 дақиқа).

1-босқич. Ўқитувчи талабаларни давомат қилади. Ўқитувчи дарснинг бошланишида талабаларни хоҳиши орқали 4 та гуруҳларга ажратади.
2-босқич: Мавзуга оид кейс топшириқлари бажарилади.


Кейс топшириқлари
Кейс баёни 1. Замонавий Европада ягона касбий таълим маконини яратиш замонавий ўқитишнинг энг муҳим талаби дея эътироф этилди. Ана шу мақсадда Болонья жараёни ташкил этили. Бу жараён ягона Европа олий таълими маконини яратиш мақсадида Европа мамлакатлари олий таълим тизимининг бир-бирига яқинлашиши ва ўзаро уйғунлашувини таъминловчи жараён саналади. 1999 йилнинг 19 июнида Европанинг 29 мамлакати вакиллари иштирокида Болонья декларацияси имзоланди. Унга кўра кенг кўламда талабалар алмашинувини қўллаб-қувватлаш учун Европа синов бирликлари (кредит) тизими (ЕСБТ) жорий этилди. “Кредит” атамаси (ЕСТS-credit) – “синовдан ўтди” маъносини англатиб, талабанинг ўқув юртида маълум бир курс (модул)ни муваффақиятли якунлаганлиги тўғрисида маълумот беради.
Кейс саволи: кредит (синов бирлиги) нима англатади: маълум ўқув фани (модули)ни ўзлаштириш ва синовларни биринчи, иккинчи ёки учинчи уринишда топшириш мумкинлигиними ёки маълум ўқув фанини талабага юклатиладиган юкланма ҳажми (меҳнат сарфи)дан келиб чиққан ҳолда модул (блок – қисм) ҳолда ўзлаштириш ва ҳар бир модул (қисм) ўзлаштирилгандан сўнг синовдан ўтиш зарурлигиними?