Ўзбeкистон рeспубликаси олий ва ўрта махсус таълим вазирлиги ўзбекистон республикаси мактабгача таълим вазирлиги ўрта профeссионал таълим

1. ЎҚУВ ДАСТУРИ УМУМИЙ ТАЛАБЛАРИ

Дастур номи	Бизнесни ташкил этиш ва юритиш
Ажратилган соат	40
Ўқитувчининг машғулотида қатнашиб ўзлаштирилиши лозим бўлган мавзулар сони	12
Дастурнинг мақсади	Ўқувчиларда бизнес фаолиятининг амалий асосларини ўргатиш орқали тадбиркорлик компетенцияларини шакллантириш.
Ўзлаштириш (ўқитиш) натижалари	шуғулланиш мумкин бўлган муайян тадбиркорлик фаолияти турининг афзаллик ва устун жиҳатларини аниқлаш; ўз шахсий бизнесини ташкил этиш учун зарур бўлган бизнес муҳитни таҳлил қилиш; бизнесни бошлашнинг ҳуқуқий ва молиявий жиҳатларини баҳолаш; турли тадбиркорлик стратегиялари самарадорлигини баҳолаш ҳамда мақбул вариантини танлаш; ўз шахсий бизнес-режаларини ишлаб чиқиш ва амалиётга татбиқ этиш; шахсий бизнесни ташкил этиш, уни давлат рўйхатидан ўтказиш ҳамда лицензия олиш.
Билимлар	тадбиркорлик фаолиятининг ташкилий-ҳуқуқий шакллари; бизнес-режа, унинг вазифаси ва асосий бўлимлари; тадбиркорлик субъектларида маркетинг фаолиятини ташкил этишнинг услубий асослари; банкдан кредит олиш ва расмийлаштириш тартиби; тадбиркорлик субъектларини солиққа тортиш тартиби.
Кўникмалар	тадбиркорлик фаолиятининг таъсис ҳужжатларини расмийлаштириш; шахсий бизнесни ташкил этиш ва уни давлат рўйхатидан ўтказиш, лицензия олиш; бизнес-режа ишлаб чиқиш, шахсий бизнес фаолиятини юритиш ва уни бошқариш; даромад ва харажатлари тўғрисидаги маълумотларни шакллантириш ва ҳисоблаш, молиявий ҳолатни аниқлаш, таҳлил қилиш ва тегишли қарор қабул қилиш; ўз бизнес фаолиятини юритиш учун маркетинг тадқиқотларини ўтказиш ва таҳлил қилиш; “Start-up” лойиҳаларини ишлаб чиқиш; Кредитлар, шу жумладан, микрокредитларни расмийлаштира олиш ва кредит рискларини камайтириш; солиқ ва кредит имтиёзларидан фойдалана олиш; ўзини-ўзи банд қилиш, иш излаш, тегишли малака ва маълумотга эга ходимларни жалб этиш йўлларини билиш, ишга ёллашга оид ҳужжатлар билан ишлай олиш.