Ўзбекистон республикаси олий ва ўрта махсус таълим вазирлиги ўзбекистон республикаси транспорт вазирлиги

 
 
 
 
 
 

---

Амалий машғулот № 8 хисоботи. 
Автомобилларнинг техник сервисида қўлланиладиган 
технологик жиҳозларни ўрганиш
 
 
1.Ишдан мақсад: 
Автомобилларнинг техник сервисида қўлланиладиган технологик 
жиҳозларни ўрганиш. 
2.Амалий машғулотни ўтказиш жойи ”А ва АХ” кафедраси сана 
10.12.2020й . 
 
3.Умумий маълумотлар: 
Автосервис корхоналарида фойдаланиладиган технологик жиҳозлар 
хизмат турига қараб қуйидагиларга бўлинади:
Биринчи гуруҳ қаторига автомобилларга ТХК ва ЖТ вақтида агрегат, 
механизм, деталларга (пастдан, ёнбошдан) қулай ёндашишни таъминловчи 
дастгоҳ (қурилма)лар киради. Буларга: кўриш чуқурлари, эстакадалар, турли 
хилдаги кўтаргич ва домкратлар мисол бўла олади. 
Иккинчи гуруҳга кирувчи жиҳозлар: кўтариш ва элтиш (силжитиш) 
учун мўлжалланиб, қўзгалувчи кран, кўтариш тали, тельферлар, тўсинли 
кран, юк аравачалари, конвейерлардан иборат (булар, асосан, ТХК 
минтақаларида автомобилни ўт олдирмасдан, постдан постга ўтказиш учун 
қўлланилади). 
Учинчи гуруҳга – ТХК учун ихтисослашган жиҳозлар киради. Масалан: ТХК 
– иш жараёнини бевосита бажариш учун мўлжалланган (ювиш, тозалаш, 
маҳкамлаш, мойлаш, назорат-диагностика, ростлаш, таъминлаш) 
жиҳозларидир. 
Тўртинчи гуруҳ ўз ичига ТХК ва ЖТ ишларини бажариш жараёнида 
қўлланиладиган кўп турдаги ишлаб чиқариш жиҳозларини қамраб олган. 
Масалан: ечиш-ўрнатиш, ажратиш-йиғиш, чилангар-механик, темирчилик, 
пайвандлаш, мисгарлик, кузов, шиномонтаж ва камера ямаш, электрсозлик 
асбоб-ускуналаридир. 
Гараж жиҳозлари қуйидаги хусусиятларга эга бўлишлари зарур: 
-ишлатилиши оддий ва ишончли бўлиши; 
-ишлатилиши хавфсиз бўлиши; 
-ишлатилиши арзон ва тежамли бўлиши; 
-узоқ муддат хизмат қилиши; 
-ясалиши технологик жараёнга мос бўлиши; 
-унификатсиялашган қисмлардан максимал фойдаланиш имкони 
мавжудлиги; 
-иштатилиши қулай; 
-ажратиш-йиғилиши қулай; 
-замонавий хусусиятларга эга эканлиги.