Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети

давлатлараро 
тузилмаларга кириши ва улардан ажралиб чиқиши мумкин». Шунингдек, 
Конституциянинг 93-моддасида мамлакат Президентининг ташқи сиѐсат 
соҳасидаги ваколатлари белгилаб қўйилган. 
Ўзбекистон Республикаси И.А. Каримов ўзининг «Ўзбекистоннинг ўз 
истиқлол ва тараққиѐт йўли» ва бошқа асарларида мустақил ташқи сиѐсат 
юритиш принципларини назарий ва амалий жиҳатлардан асослаб берди. 
Истиқлолнинг илк йилларидан бошлаб ташқи алоқалар муассасалари 
томонидан хорижий давлатлар билан халқаро алоқаларнинг умум эътироф 
этилган қоида ва нормалари асосида республиканинг дипломатик фаолияти 
турли йўналишларда олиб борилди. Бу биринчидан, сиѐсий муносабат ва 
иқтисодий алоқалар; иккинчидан, илмий-техникавий алоқалар; учинчидан, 
маданий алоқалар, туризм, спорт ва бошқа соҳалардаги халқаро алоқалардир. 
Республика ташқи сиѐсатига тинчлик, барқарорлик, ҳамкорлик йўли асос 
қилиб олинди. 
Ўзбекистон Республикаси ҳукуматининг ўз миллий ташқи сиѐсатининг 
тамойиллари асосида амалга оширган фаолияти натижасида қисқа давр ичида 

---

132
деярли барча давлатлар Ўзбекистонни мустақил мамлакат сифатида тан олди, 
уларнинг кўпчилиги билан расмий дипломатик муносабатлар ўрнатилди. 
И.А.Каримов томонидан мустақилликнинг дастлабки давридаѐқ — 1992-
йилда Ўзбекистон ташқи сиѐсатининг қуйидаги асосий принциплари ишлаб 
чиқилди: 
Биринчиси. Ўзининг миллий-давлат манфаатлари устун бўлгани ҳолда 
ўзаро манфаатларни ҳар томонлама ҳисобга олиш. Бизнинг мустақил 
давлатимиз бирон-бир буюк давлатнинг таъсир доирасига тушиб қолиш 
ниятида эмас. Ўзбекистон яна кимгадир бўйсуниш учун мустақил бўлгани 
йўқ. 
Иккинчиси. Республика одамлар ва давлатлар ўртасидаги ўзаро 
муносабатларда умумбашарий қадриятларни устун қўйиб, халқаро майдонда 
тинчлик ва хавфсизликни мустаҳкамлаш учун, можароларни тинч йўл билан 
ҳал этиш учун курашади. Ўзбекистон ядросиз минтақа бўлиб қолади, 
тажовузкор ҳарбий блоклар ва уюшмаларга кириш нияти йўқ. Инсон 
ҳуқуқлари тўғрисидаги, ҳужум қилмаслик ҳақидаги, низоли масалаларни ҳал 
этишда куч ишлатишдан ва куч ишлатиш билан таҳдид қилишдан воз кечиш 
тўғрисидаги Халқаро ҳужжатларни тан олади ва уларга оғишмай риоя қилади.