Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети

 

---

КИРИШ 
 
Ҳар қандай давлатнинг равнақини белгилаб берадиган асосий 
омиллардан бири, кадрларнинг ўз соҳаси бўйича мукаммал таълим 
олганлиги, назарий билимларини амалиётда самарали қўллай олиши, руҳий 
жиҳатдан баркамоллиги, шахснинг маънавий етуклиги, ўзлигини 
англаганлиги, ватанпарварлик ва фидоийлик каби юксак ҳисларнинг 
ривожлантирилганлик даражаси билан боғлиқ. Айниқса, таълимда хорижий 
тилларни ўқитишнинг ўзига хос жиҳатларини ҳисобга олган ҳолда, ушбу 
йўналишда малакавий амалиётдан олдин педагогик амалиётни ташкил этиш 
муҳим аҳамият касб этади. 
Ўзбекистон Республикасининг “Таълим тўғрисида”ги Қонуни олий 
таълим тизимида педагогик кадрлар тайёрлашни тубдан яхшилаш, таълим 
тизими сифатини жаҳон андозалари даражасига тенглаштириш каби долзарб
вазифаларни қўйди. Уни амалга ошириш учун ҳукумат томонидан қатор 
чора-тадбирлар белгиланган.Ўзбекистон Республикаси Президентининг 2012 
йил 10 декабрдаги “Чет тилларни ўқитиш тизимини янада такомиллаштириш 
чора-тадбирлари тўғрисида”ги ПҚ-1875 ва 2013 йил 27 майдаги “Ўзбекистон 
давлат жаҳон тиллари университети фаолиятини янада ривожлантириш чора-
тадбирлари тўғрисида”ги ПҚ-1971 сон, 2017 йил 20 апрелдаги “Олий таълим 
тизимини янада ривожлантириш чора-тадбирлари тўғрисида”ги ПҚ-2909-
сонли қарорлари шулар жумласидандир. Шу нуқтаи назардан қараганда, 
педагогик амалиёт олий таълимда ўқув-тарбия жараёнининг муҳим таркибий 
қисми ҳисобланади
Сиз педагогик амалиёт жараёнида педагогика ва психология 
фанларидан ўрганилган назарий маълумотларни амалий жиҳатдан 
мустаҳкамлайсиз яъни назарий билимларини амалиёт давомида босқичма-
босқич синовдан ўтказиш ва ривожлантириш имконига эга бўласиз. Фан 
тўгараклари фаолияти билан танишасиз ва маълум муддат давомида тўгарак 
фаолиятини юритасиз. Шунингдек, таълим тизимида ўқув ишлари, маънавий-
маърифий ишларни ташкил этиш, таълим тизимини бошқариш жараёни 
билан танишасиз. Назарий билим ва амалий кўникмаларингизни амалиётда 
синаб кўриш замирида касбий компетентлигингизни шакллантириш ва 
ривожлантириш имкониятига эга бўласиз. 
Сизга муваффақият тилаймиз!