Ўзбекистон республикаси олий ва ўрта махсус таълим вазирлиги заҳириддин муҳаммад бобур номидаги

Тадқиқотнинг илмий-амалий аҳамияти. Тадқиқотдан кутилаётган илмий натижалар муҳим илмий-назарий ва амалий аҳамиятга эга бўлиб, улар қуйидагилардан иборат:

• 
  тадқиқот жараёнида аниқланган фактик материаллар ва илмий хулосалар мустақил Ўзбекистонда демократик жамият қуриш ишида сиёсий партияларнинг фаолиятини такомиллаштириш, ижодий бойитиш ишига хизмат қилади;
  
• 
  мавзуни таҳлил қилиш Ватан мустақиллиги ва озодлиги учун курашганлиги айблови билан, турли сиёсий жазо ва тазйиқларга дучор қилинган сиёсий партиялар аъзолари тақдири ўрганилади;
  
• 
  тадқиқот материалларидан Ўзбекистон тарихи фанидан ўқув қўлланма ва ўқув видеофильмлари яратишда, вилоятлар энциклопедияларини тайёрлашда фойдаланиш мумкин;
  
• 
  тадқиқот натижаларидан вилоятлардаги ўлкашунослик музейларида ҳам фойдаланиш мумкин.
  

Диссертациянинг мақсад ва вазифалари. Диссертациянинг асосий мақсади совет даврида 1917-1929 йилларда Туркистон­-­­­Ўзбекистонда фаолият кўрсатган сиёсий партия, жамият ва уюшмаларнинг миллий озодлик ҳаракатида тутган ўрни ва сиёсий маданият тарихий тажрибасини адабиётлар ва манбалар асосида ўрганиш, мушоҳада ва таҳлил қилиш. Ушбу мақсаддан келиб чиқиб, тадқиқот олдига қуйидаги вазифалар қўйилди:

• 
  тадқиқ этилаётган мавзунинг тарихшунослигини ўрганиш;
  
• 
  Мухториятчилик ҳаракатида демократия, парламентаризм, эркин сайловлар тажрибасини очиб бериш;
  
• 
  жадидчилик ҳаракати негизида сиёсий партиялар ва партиявий уюшмаларининг вужудга келишини, ташкилот аъзоларининг қисматини ўрганиш;
  
• 
  Совет мустамлакачилик сиёсатига қарши курашган сиёсий партиялар ва ташкилотлар фаолиятини энг янги материаллар асосида таҳлил қилиш;
  
• 
  Миллий мухолифат партиялари ҳамда Фарғона водийсида фаолият кўрсатган шўъбалар, жамиятлар мисолида Ўзбекистонда кўп партиявийлик жараёнини ёритиш;
  
• 
  Мавзуга оид адабиёт ва манбаларни ўрганиш ва таҳлил қилиш асосида хулосалар чиқариш.