Ўзбекистон республикаси олий ва ўрта махсус таълим вазирлиги заҳириддин муҳаммад бобур номидаги

Учинчидан, бугун биз ижтимоий йўналтирилган, бозор иқтисодиётига асосланган, 
ҳуқуқий демократик давлат ва адолатли фуқаролик жамиятини қуришни мақсад қилиб 
олдик. Бу борада кўплаб ислоҳатлар амалга оширилди. Ушбу амалга оширилган 
ислохатлардан энг мухуми, миллий ва умумбашарий қадриятлар уйғунлиги заруратини 
теран англайдиган, замонавий билмларни, интеллектуал салоҳият ва илғор 
техналогияларни эгаллаган ёшларни тарбиялашдир.
Тўртинчидан, ҳозирги пайтда ёшларда тарихий онг ва тарихий хотирани, илмий 
дунёқарашни шакллантириш ҳамда ривожлантиришда ижтимоий воситалар, методлар ва 
шакллар ҳам катта роль ўйнамоқдаки, уларга ёшларни таълим ва тарбиянинг барча 
даражаларида мафкуравий тарбиялаш, оммавий ахборот воситалари: радио, телевидение, 
газета, журналлар, музейлар, турли ёшлар ташкилотлари, ватанимиз ва жаҳон илм-фани, 
маданияти, санъати ва спортининг ривожланиши киради.
Мамлакатимиз ёшларида тарихий онг ва тарихий хотирани шакллантириш ҳамда 
ривожлантиришнинг ижтимоий воситалари, шакл ва методлари бўйича чора-тадбирлар 
мажмуи аввалги йилларда бой берилган миллий қадр-қиммат туйғусини тиклашда, ўзбек 
давлатчилигининг тарихий сарчашмалари ҳамда унинг қарор топишини билишга юқори 
даражада қизиқиш уйғотишда, ор-номус, бурч хиссини, виждон, ҳаққонийлик, 
менталитетимизга ёт мафкураларни қабул қилмаслик ва уларга танқидий муносабатда 
бўлишни шакллантириш ҳамда ривожлантириш даркор. 
Бинобарин, ёшларни юксак интеллектуал салоҳиятга эга маънавий баркамол шахс 
бўлиб камол топишида, миллий маънавий тарбия муҳим эканлигини вақтнинг ўзи 
исботламоқда. Шундай экан, қайсики жамиятнинг, халқнинг миллий маънавияти, дину 
диёнати кучли ва мукаммал бўлса, ундай жамиятга ҳар қандай бузғунчи ёт ғоялар, 
экстремистик оқимлар ўзларининг ёвуз қарашлари билан раҳна сололмайди. Чунки, ўз 
тарихи ва ўзилигини англаган, ўзининг миллий маънавияти билан қуролланган жамиятни 
енгиб бўлмайди.