Ўзбекистон республикaси олий вa ўртa мaхсус тaълим вaзирлиги

 

ЎЗБЕКИСТОН РЕСПУБЛИКAСИ ОЛИЙ ВA ЎРТA МAХСУС ТAЪЛИМ ВAЗИРЛИГИ

ИСЛОМ КАРИМОВ номидаги ТОШКЕНТ ДАВЛАТ ТЕХНИКА УНИВЕРСИТЕТИ хузуридаги

«ФАН ВА ТАРАҚҚИЁТ» ДАВЛАТ УНИТАР КОРХОНАСИ

ШАРИПОВ ФАРХОД ФАЗЛИТДИНОВИЧ

Санитар қурилиш буюмларини олиш учун механик фаоллаштирилган хомашё композициялари асосида кераимк массалар таркибини ишлаб чиқиш

02.00.07 – Композицион, лок-бўёқ ва резина материаллари кимёси ва технологияси

(техника фанлари)

ТЕХНИКА ФAНЛAРИ БЎЙИЧА ФAЛСAФA ДОКТОРИ (PhD) ДИССЕРТАЦИЯСИ

Илмий раҳбар: т.ф.д., катта илмий ходим Туляганова В.С.

Тошкент - 2022

Т А Қ Д И М О Т И
1

ДИССЕРТАЦИЯ МАВЗУСИНИНГ ДОЛЗАРБЛИГИ

Бугунги кунда, дунёда керамика материалларига, айниқса, қурилиш мақсадларида ишлатиладиган санитар-қурилиш маҳсулотларига катта қизиқиш мавжуд. Механик фаоллаштирилган хомашёлар асосида керамик чинни-фаянс массаларини ҳамда улардан қурилиш мақсадларида ишлаб чиқарилган маҳсулотлар олишнинг самарали композициялари ва ресурс-тежамкор технологиясини яратиш ушбу йўналишдаги муҳим вазифалардан биридир.

Жаҳон миқёсида янги таркибдаги импорт ўрнини босувчи композицион қурилиш материаллари, шу жумладан, сифат кўрсаткичлари ва иқтисодий самарадорлиги юқори бўлган санитар-техник фаянс маҳсулотлари бўйича илмий изланишларни тадбиқ этиш ишлари олиб борилмоқда.

Юқори сифатли каолин, ўтга чидамли тупроқ, дала шпати ва улардан турли хил композицион қурилиш маҳсулотларини ишлаб чиқаришда катта ҳажмда фойдаланиш, ушбу заҳираларининг чегараланганлиги ҳамда етишмай қолиш эҳтимоли юқорилигидан далолат беради.

Бу борада маҳаллий хомашёлар асосида янги композициялар яратиш ва улардан физик-кимёвий ҳамда механокимёвий модификацияланган композицион массалар ва улардан буюмлар олиш технологияси асосида қурилиш маҳсулотлари ишлаб чиқариш бугунги кун талаби ва вазифаси ҳисобланади.