Њзбекистон республикаси олий ва њрта махсус таълим вазирлиги

Бевосита (тўғри) жавоб – саволда кўрсатилган номаълум соҳага тааллуқли
мулоҳазалар тўпламидан иборат. Масалан, «Ўзбекистон Республикаси
Конституцияси (Асосий қонуни) қачон қабул қилинган?» деган саволга
«Ўзбекистон Республикаси Конституцияси (Асосий қонуни) 1992 йил 8 декабрда
қабул қилинган», деб берилган жавоб бевосита жавоб ҳисобланади.
Билвосита жавоб – жавобни қидириш соҳасидан четга чиқиб, қўшимча
маълумотларга мурожаат қилиш асосида ҳосил қилинадиган мулоҳазалар
тўпламидан иборат бўлиб, бевосита (тўғри) жавоб улардан хулоса чиқариш йўли
билан ҳосил қилинади. Масалан, «Мантиқ фалсафий фанми?» деган саволга
«Мантиқ тафаккурнинг шакллари ва қонунларини ўрганувчи фан», деб
бериладиган жавоб билвосита жавоб бўлади.
Тўлиқ ва тўлиқсиз жавоблар жавобда бериладиган маълумотлар миқдори
бўйича фарқ қилинади. Тўлиқ жавоб – ўзида саволнинг барча элементлари
(қисмлари) ҳақида маълумотларни мужассамлаштирган мулоҳазалар тўпламидир,
«Ўзбекистон Республикаси Мадҳиясини ким ёзган?» деган саволга «Ўзбекистон

---

91
Республикаси Мадҳияси матнини А. Орипов ёзган, унинг мусиқасини эса, М.
Бурхонов басталаган», деб берилган жавоб тўлиқ жавоб бўлади. Тўлиқсиз жавоб
– саволни ташкил этувчи элементларнинг бир қисми ҳақидагина маълумотни
ифода этган мулоҳазалардан иборат. Масалан, «Жамиятни демократиялашнинг
моҳияти нимада?» деб қўйилган саволга «Жамиятни демократиялаш халқнинг
давлатни бошқаришда иштирок этишини тақозо этади», деб берилган жавоб
тўлиқсиз бўлади, чунки унда жамиятни демократиялаштиришнинг бошқа
мезонлари ҳақида маълумотлар йўқ.
Мантиқий қиймати бўйича, яъни борлиққа муносабатига кўра чин ва хато
жавоблар фарқ қилиниши мумкин. Агар жавобда ифодаланган фикр-мулоҳазалар
борлиққа мувофиқ келса, уни адекват ҳолда акс эттирса, у чин жавоб ва аксинча,
борлиққа мувофиқ келмаса, адекват тарзда акс эттирмаса, у хато жавоб бўлади.
Масалан, «Тиб қонунлари» асарининг муаллифи ким?» деб берилган саволга «Тиб
қонунлари» асарининг муаллифи Ибн Синодир», деб берилган жавоб – чин, «Тиб
қонунлари» асарининг муаллифи Ар-Розийдир», деб берилган жавоб эса, хато
ҳисобланади.
Грамматик шаклига кўра, жавоблар қисқа ёки батафсил бўлади. Қисқа