Збекистон республикаси олий ва ўрта махсус таълим вазирлиги

Кириш

Йилдан йилга ахборот оқимларининг кўпайиб бориши, уларнинг тезда янгиланиб туриши, ҳамда маълумотлар олиш имкониятларининг кенгайиб бориши мавжуд ўқитиш усулларини бир шаклга келтириш, замонавийлаштириш ва шу билан бирга такомиллаштиришни талаб қилади. Ҳозирги кунда қўлланилаётган ва тавсия қилинаётган ўқитиш услуби билимларни стандарлаштришга ёрдам берса, кичик гуруҳларда ишлаш малакасини қўллаш эса, ўқишга ёндошувни индивидуаллаштириш имконини беради. Кичик гуруҳларда ўқитиш мустақил ўқиш кўникмасини ривожлантиришга ёрдам беради. Мустақил ўқиш, ҳар бир талаба ўзи қандай яхши қабул қилса ва тушунса, шундай усулда билим олиш имконини беради. Мустақил ўқишни кучайтириш асосида талабаларнинг янги билим ва кўникмаларни эгаллаш мотивацияси ётади. Бу жараёнда ўқитувчининг асосий вазифаси ўқиш учун шароит яратиб бериш, шу орқали талабага билим олиш ва ўрганишда фаол бўлиш имконини беришдир.

Эртанги кун талаба - медиклари асосий фанлардан модулли тизим бўйича таълим оладилар, дарслар ва ўқув режалари таркиби ва тузилишининг ўзгаришлари эгилувчан бўлади, бу орқали ҳақиқий юкламанинг камайишига эришилади. Бундан ташқари, бўлғуси шифокор дунёқараши иқтисодиёт, сиёсат, этика йўналишида кенгайиб боради. Замонавий талаба кунига кўпаядиган билимга фаол равишда эришиб бориши керак. Талабанинг чуқур билимга эга бўлиши кутилади (танқидий фикр юритиш, муаммолар ечими, ҳолатни, беморни, гуруҳни бошқариш). Далилларга асосланган тиббиётга бўлган ҳаракат бемор ва унинг муаммоларини ечимига қаратилади.
Махсус фанларни ўқитиш услубиёти предмети таълим технологиялари, таълимнинг психологик асослари, ўқитишнинг замонавий усуллари воситалари ва шаклларини ўрганади ва уни бўлғуси педагогларга мазмун моҳиятини тушунтиришда уларда кўникма ҳосил қилишда катта аҳамият касб этади. Ушбу фанни ўрганишда талаба магистрлар педагогик технологиялар ва педагогик маҳорат, тиббий биологик фанлар, умумкасбий фанлар, клиник фанлар ва ўзи эгаллаётган ихтисослик фани бўйича чуқур билим ва кўникмаларга эга бўлиши лозим.

1.