Ўзбекистон республикаси олий ва ўрта махсус таълим вазирлиги ҳузуридаги олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш

Усулнинг камчиликлари. Маълум даражада камчиликлар ҳам мавжудлиги:
1) Термография орқали маълум бир температурада термоэффект содир бўлганлиги, модданинг миқдори ўзгара бошлаганлиги қайд этилади, лекин у нима асосида рўй берганлиги аниқланаолмайди.
2) Рентгенография, ИК спектроскопия, микроскопия, кимёвий ва бошқа турдаги анализларни жалб этгандан кейингина хулоса чиқариш мумкин бўлади.
3) Термограмма олиш экспериментал шароитга боғлиқлиги (қиздириш тезлиги, намуна оғирлиги, дифференциал термопара занжиридаги ўзгарувчанлик, тигелдаги модданинг зичлиги, эталоннинг хоссаси, печнинг атмосфераси, термопара қотишмасининг намуна ва эталонга ўрнатилиши, дисперслик даражаси ва бошқалар).
Мавзу бўйича назорат саволлар.
1.Термография усулининг назарий асослари ким томонидан ишланган?
2.Термография усулига оид термик анализ усулларини санаб беринг.
3.Термик анализ деб қандай тахлил турига айтилади?
4.Доломит минералининг термик тахлилига оид вақт-температура диаграммасини чизинг ва ундаги эгри чизиқлар холатини тушунтиринг.
5.Моддаларда содир бўлаётган қандай жараёнлар комплекс термик анализ орқали аниқланади?
6. Моддаларни қиздириш жараёнида дериватографик анализ орқали қандай параметрлар аниқланади.
7. Эндотермик эффект қандай рўй беради?
8. Моддаларда экзоэфект қандай рўй беради?
9. Термография усулларининг қандай амалий имкониятлари мавжуд?
10. Дериватограф қаерда ва қачон яратилган?
11. Усул имкониятларини санаб беринг.
12. Термография усули қандай афзалликга эга?
13. Термография усулининг камчиликларини кўрсатинг.


5-Мавзуга оид таянч сўз ва иборалар.
Термография - ноорганик моддалар, силикат ва қийин эрийдиган нометалл материалларни қиздириш жараёнида содир бўладиган жараёнларни ўргатади. Улар одатда иссиқлик эффектлари билан боғлиқ.
Термография усулининг турлари - Термик анализ; Дифференциал термик анализ (ДТА); Комплекс термик анализ; Дериватография;. Тензиметрия; Газоволюметрия; Дилатометрия.