Ўзбекистон республикаси олий ва ўрта махсус таълим вазирлиги ҳузуридаги олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш

Таянч сўз ва иборалар: кимёвий технология, текшириш усуллари, физикавий, кимёвий таркиб, физик-кимёвий, фотокалориметрик, микроскопия, оптика, кристаллооптика, кристаллооптик тахлил, металлографик тахлил, спектрал тахлил, рентгенография, ултрабинафша, инфрақизил спектр, термик тахлил, магнит тахлил, минерал структураси.

Блиц суров саволлари

№	Саволлар	Жавоблар
1	Физик-кимёвий тахлил деганда нимани тушунсиз?
2	Физик-кимёвий тахлил таърифини келтиринг ва унинг технологик жараёнларни бошқаришдаги ролини ёритиб беринг.
3	Физик-кимёвий тахлилининг қандай асосий усуллари бор?
4	Физик-механикавий, термик ва бошқа жараёнларни ўрганишда қўлланиладиган яна қандай усулларни биласиз?
5	Нима учун илмий-тадқиқотлар олиб боришда бир нечта усулнинг бир вақтида қўлланилиши зарур?

1. Материалларни тадқиқ қилишда физик-кимёвий тахлилни илмий аҳамияти. Материаллар ўрганишда замонавий тахлил усуллари.

Кимёвий технология йўналиши фанларидан дарс берувчи педагоглар малакасини ошириш курсининг ўқув режаси мутахасислик бўйича тайёргарлик фанлари блокига киритилган “Кимёвий технология жараёнидаги кимё маҳсулотларини замонавий таҳлил этиш усуллари” фани ўқув дастурининг мақсади – кимё саноати маҳсулотларини физик кимёвий тахлил қилиш усуллари, материалларда керакли структура ва хоссаларни таъминлашда замонавий физик кимёвий усулларни ўрни ва моҳияти, асосий асбоб ускуналари тўғрисида назарий ва касбий тайёргарликни таъминлаш ва янгилаш, касбий компетентликни ривожлантириш асосида таълим-тарбия жараёнларини самарали ташкил этиш ва бошқариш бўйича билим, кўникма ва малакаларни такомиллаштиришга қаратилган.

Ушбу дастур кимёвий технология жараёнидаги кимё маҳсулотларини физик кимёвий тахлил қилиш усулари, усулда ишлатиладиган аппаратуралар ва жихозларининг таснифи, тузилиши, хом ашёнинг кимёвий ва минералогик таркиби, структура тузилишлари, термик эффектларни аниқловчи жихозлар - микроскоп, рентген, электрон микроскоп, ИК-спекрометр каби жихозларини яратилиш тарихи ва ривожининг тенденцияси, истиқболи ҳамда республикамиздаги ижтимоий - иқтисодий ислоҳотлар натижалари ва худудий муаммоларнинг кимёвий технология жараёнидаги кимё маҳсулотларии ишлаб чиқариш соҳасида ишлаб чиқариладиган буюмларнинг истиқболига таъсири масалаларини қамрайди.