Ўзбекистон республикаси олий ва ўрта махсус таълим вазирлиги урганч давлат университети

25. Натижани мўлжалга олиш - ўзи ёки командаси ишидан кутилаётган натижага бутун эътиборини қаратиш, мураккаб, лекин эришса бўладиган мақсадларни олдига қўйиш, бутун кучини шунга сарфлаш, мақсадга ва хатто ундан ортиғига эришиш. Ушбу компетенцияга эга раҳбар: (а) қийин, аммо эришса бўладиган мақсадларни олдига қўяди;(б) конференция ва лойихалар учун мақсадни аниқ ишлаб чиқади; (в) ҳар қандай қийинчиликда ҳам ишончни йўқотмайди;(г) эришилганларни таҳлил қилиш ҳамда ўлчаш учун усуллар қидиради ва топади;(д) мақсадга эришиш учун узлуксиз ва изчил чора-тадбирларни таклиф этади;(е) ишни тугаллаш ва муаммони хал этиш учун тиш-тирноғи билан харакат қилади.
26.Виждонлилик. -ўзининг ва ўзганинг иши тўлиқ бажарилгани, маълумотла эса текширилганлигига ишонч ҳосил қилиш, тақдимот (презентация) ва конференцияларга қаттиқ тайёргарлик кўриш, бошқа ҳамкасблар билан биргаликда шартномалар ҳамда мажбуриятлар тўлиқ бажарилаётганини кузатиб бориш.Ушбу компетенцияга эга раҳбар:(а) бажарилган иш сифатини текширишнинг бирор усулини топади;(б) иш сифатини кузатиб боради;(в) маълумотларни текшириб боради;(г) ўзи ва ўзгаларнинг ишига аниқлик киритиш мақсадида кузатиб боради;(д) ташкилотнинг ишдаги ўсишни ёки маълумотларни текшириш тизимини ишлаб чиқади ва тадбиқ этади;(е) бошқа фойдаланувчилар учун учун зарур материаллар ёки маълумотларни йиғади ва ташкил этади;(ж) ишчиларнинг, маълумот маркази бошқарувчисининг ва бошқа ҳамкасбларининг хисоботларидаги маълумотларнинг аниқлигини синчиклаб текширади ва кўриб чиқади.
27. Қатъиятлилик- мураккаб қарорларни тезликда қабул қила олади.
Ушбу компетенцияга эга раҳбар:(а) вақт чегараланган, мураккаб ёки номаълум вазиятларда қарор қабул қилишга тайёр туради;(б) боши берк кўчага кириб қолган муаммони хал этиш, вазиятдан чиқиб кетиш учун қилинган қарорнинг кафолатини ва гуруҳга бошчилик қилишни ўз зиммасига олади;(в) мураккаб қарорлар қабул қилади (бўлимни тугатиш, иш ўринларини қисқартириш, таваккалчиликка асосланган битимлардан воз кечиш).
28. Ўзига ишонч- ўз ғоялари ва мувоффақият қозониш имкониятларига ишонч ҳамда қарама-қарши мавқеи (позиция)даги шахс олдида мустақил лавозимни эгаллашга тайёр бўлиш. Ушбу компетенцияга эга раҳбар: (а) мақсадларга эришишдаги ўз имкониятларига ишонади;(б) зарур пайтда адолат мезонлари асосида, ҳақ бўлган шахс ёки гуруҳни қўллаб-қувватлай билади;(в) мураккаб масалаларга ўз кучига тўла ишонч билан ёндашади.