Ўзбекистон республикаси олий ва ўрта махсус таълим вазирлиги урганч давлат университети

21. Техника соҳасидаги компетенция - техника соҳасидаги чуқур билим ва кўникмаларни кўрсата олиш.Ушбу компетенцияга эга раҳбар: (а) бир қатор муаммоларни ечишда техник билимлардан унумли фойдаланади;(б) техниканинг бирор соҳасида чуқур билим ва кўникмага эга бўлади;(в) бундай инсонга худди экспертга хулоса чиқариш ёки маслахат олиш учун мурожаатқилгандек мурожаат қилишади;(г) ўз соҳасида сўнгги техника ютуқлари ҳақидаги махлумотлар билан доимий танишиб боради.
22. Ташаббускорлик. - тегишли кўрсатмалар олиш ёки кучли зарурият туғилгунга қадар нима қилиш кераклигини кўра олиш. Ушбу компетенцияга эга раҳбар: (а) мураккаб вазият юзага келишини олдиндан кўриб, нима қмлмш ва қандай йўл тутиш кераклигини билади, ундан буни сўрашларини кутиб ўтирмайди;(б) конкрет вазиятда ишни талаб қилинганидан ҳам ортиқроқ қилиб бажаради;(в) вазиятнинг бошқа қатнашувчилари истиқболни қандай кўраётганликларига қизиқади;(г) воқеа-ҳодисаларни ўзлаштириш учун мустақил қадам ташлайди.
23. Тадбиркорлик қобилияти.- фойдали имкониятларни қидириш, топиш ва бизнес мақсадига эришишда таваккалчиликка тайёр туриш. Ушбу компетенцияга эга раҳбар:(а) фойдали имкониятларни сезади ва қўлдан бой бермайди;(б) корхона учун янги имкониятларни очиб бериш мумкин бўлган бизнес, ишлаб чиқариш ва бозордаги воқеа-ҳодисалардан доимий хабардор бўлиб туради;(в) бизнес режани амалга ошириш учун таваккалчилик қилишга тайёрланиб боради;(г) салоҳиятли харидорлар, етказиб берувчилар ва хамкорларга янгидан-янги келишувларни таклиф қилади;(д) ҳамкасбларидаги тадбиркорлик хулқ-атворини қўллаб-қувватлайди.
24. Янгиликларни маданийлаштири- янги, мукаммал услуб, товар,алгоритм ёки технологияларнинг ишлаб чиқарилиши ва кириб келишига хомийлик қилиш ва қўллаб-қувватлаш. Ушбу компетенцияга эга раҳбар:(а) янги товар ёки хизмат турини мустақил ишлаб чиқади;(б) янги услуб ёки ёндашувни мустақил ишлаб чиқади;(в) янги товар, хизмат, услуб ёки алгоритмни ишлаб чиқаришга татбиқ этади;(г) янги ёндашув, услуб ва технологияларни таклиф қилади;(д) товарни тез, яхши ва кам харажатли ишлаб чиқариш усулларини яратади;(е) янгиликлар яратиш учун ҳамкасблар билан тинимсиз иш олиб боради.