Ўзбекистон республикаси олий ва ўрта махсус таълим вазирлиги тошкент кимѐ-технология институти

Таянч тушунчалар: 
ҳокимиятнинг уч асосий тармоғи - давлат ҳокимиятининг тақсимланиши 
тамойили, яъни давлат ҳокимиятининг қонун чиқарувчи, ижроия ва суд 
ҳокимиятига бўлиниши демократик ҳуқуқий давлатга хосдир. 
ҳуқуқий демократик давлат - жамият тараққиѐти ва давлат шаклларининг 
ривожланиши жараѐнида юзага келган, давлатни ташкил қилишнинг энг мукаммал 
шакли ва мазмуни. Ҳуқуқий демократик давлат учун кураш бундан тўрт-беш аср 
муқаддам бошланиб, фақат XX асрнинг иккинчи ярмида ҳақиқатга айлана 
бошлади. 
фуқароларнинг ўзини-ўзи бошқариш органлари - Ўзбекистон Республикаси 
Конституциясининг 105-моддаси ва «Фуқароларнинг ўзини-ўзи бошқариш 
органлари тўғрисидаги Қонуннинг 1-моддасига биноан, шаҳар, қишлоқ ва 
овулларда, шунингдек, улар таркибидаги маҳаллаларда ҳамда шаҳарлардаги 
маҳаллаларда фуқароларнинг йиғинлари ўзини-ўзи бошқариш органлари. 

---

101 
Ўзбекистонда суд ҳокимияти - мамлакатимиз давлат ҳокимиятининг уч мустақил 
тармоқларидан бири ҳисобланиб, қонун чиқарувчи ва ижро этувчи ҳокимиятлардан, 
шунингдек, сиѐсий партиялар ва бошқа жамоат ташкилотларидан мустақил иш 
юритади. Суд ҳокимиятини мамлакатимизда Конституциявий суд, Олий суд, Олий 
хўжалик суди, Қорақалпоғистон Республикаси Олий суди, Қорақалпоғистон 
Республикаси Хўжалик суди, Тошкент шаҳар суди, вилоят судлари, шаҳар ва туман 
судлари амалга оширади. 
тўртинчи ҳокимият - жамиятдаги оммавий ахборот воситалари (ОАВ)нинг, яъни 
газеталар, журналлар, радио, телевидение ва оммавий ахборот тарқатишнинг 
бошқа воситаларининг жамият аъзоларига таъсир кучига айтилади. 
ГКЧП - Фавқулодда ҳолат Давлат Комитети
МДҲ - Мустақил Давлатлар Ҳамдўстлиги
БМТ - Бирлашган Миллатлар Ташкилоти
ЕХҲТ - Европа Хавфсизлик ва Ҳамкорлик Ташкилоти