Ўзбекистон республикаси олий ва ўрта махсус таълим вазирлиги тошкент давлат иқтисодиёт университети ж. Ж. Жалолов, И. А. Ахмедов, С. Н. Абдураҳимов

Банкнинг актив операциялари — турли хил кредитларни бериш (жойлаштириш) га доир операциялар.
Банкнинг пассив операциялари — бошқа банкларнинг омонатлари, кредитларини жалб этишга доир операциялар, ўз қимматли қоғозларининг эмиссияси.
Банкнота — эмиссия банклари чиқарадиган қоғоз пуллар; банкир номига банкир номига қарз мажбурияти.
Бартер— пул ёрдамисиз амалга ошириладиган товар айирбошлаш.
Бартер савдоси — пул ҳисоб-китобларини жалб этмасдан туриб, бир товарни бошқасига тўғридан-тўғри алмаштириш.
Бевосита чет ел инвестициялари — хориждаги корхона, ер ва бошқа инвестиция товарларига доир ҳақиқатдаги инвестициялар, у инвесторга сармояни жойлаш­тириш объектини назорат қилиш имкониятини беради.
Бизнес— тадбиркорлик-тижорат ишлари би­лан шуғулланиш, пул топиш мақсадида бирор иш билан банд бўлиш. Бизнес — товар ишлаб чиқариш ва уни сотиш, хизмат кўрсатиш, транспорт ва бошқа соҳалардаги фаолиятдир.
Бизнес-режа — фирма ташкил этадиган ишлаб чиқариш (хизматлар)ни таъминлаш мақсадлари, йўллари ва воситаларининг қисқача баёни. Инвестицияларни асослаш ва инвесторларни жалб этиш учун ҳам фойдаланилади.
Билвосита солиқлар — муайян товар ва хизматларга доир солиқлар, товар нархига устама қўйиш орқали ундирилади.
Биржа - стандартлар ёки намуналар асосида савдо қилинадиган оммавий товарларнинг мунтазам улгуржи бозори (товар биржаси) ёки қимматли қоғозлар, олтин, чет эл валюталари бозори (фонд биржаси). Биржа ва унинг турли шакллари бозор механизмининг инфратузилмасини ташкил этади.
Бож — солиқ турларидан бири, чегара орқали келиб тушадиган (олиб келинадиган, олиб чиқиладиган) товарлардан ундирилади.
Бож тарифи — товарлар гуруҳлари бўйича бир тизимга солинган божлар рўйхати.
Божхона божи — чегара оркали ўтказиладиган товарларга доир солиқ. Олиб кириш ва олиб чиқиш учун божхо­на божлари мавжуд.
Бозор - сотувчи билан харид ор ўртасида товарни пулга айирбошлаш муносабати; товарлар билан олди-сотди муносабатлари, товар ишлаб чиқариш, товар айирбошлаш ва пул муомаласи қонунларига биноан амалга оширилади.