Ўзбекистон республикаси олий ва ўрта махсус таълим вазирлиги тошкент давлат иқтисодиёт университети ж. Ж. Жалолов, И. А. Ахмедов, С. Н. Абдураҳимов

Европа валюта тизими — Европадаги бир қатор мамлакатларнинг валюта тизими, унинг воситасида ўз валюталари курсини бир-бирига нисбатан ушлаб турадилар.
Европа Иттифоқи — алоҳида турдаги халқаро институт, Европадаги 25 давлатнинг халқаро иқтисодий ташкилоти ва сиёсий федерацияси хусусиятларини ўзида мужассамлаштирган. Иқтисодий жиҳатдан олганда, уларни иқтисодий ривож­лантиришга, иқтисодий сиёсатни мувофиқлаштиришга, ягона валютали ва сармоялар, товарлар ва ишчи кучи тўлиқ эркин ҳаракатланадиган аъзо мамлакатларнинг ягона бозорига аста-секин ўтишига ёрдам беришга даъват этилган.
Ёпиқ иқтисодиёт— хорижий мамлакатлар билан алоқаси бўлмаган иқтисодиёт.
Ер— ишлаб чиқариш омили; иқтисодий назарияда ер деганда ишлаб чиқариш фаолиятида ишлатиладиган турли хил табиий ресурслар тушунилади (ер, ўрмон, яйлов, фойдали қазилмалар ва ҳоказолар).
Ёш тармоқларнинг ҳимояси— протекционизм сиёсати тарафдорларининг далил-исботларидан бири, унга мувофиқ янги тармоқдар жаҳон бозорида чинакам рақобатбардошликка эришгунга қадар тариф ёрдамида ҳимоя қилинишга муҳтож бўладилар.
Жаҳон банки— қароргоҳи Вашингтонда бўлган халқаро молия ташкилоти, у қарз маблағлари билан шуғулланади, ривожланаётган мамлакатларга кредитлар ва техника ёрдами шаклида ёрдам кўрсатади.
Жаҳон бозори— ишлаб чиқариш омилларининг халқаро меҳнат тақсимоти базасида мавжуд бўлган, мамлакатлар ўртасидаги барқарор товар-пул муносабатлари соҳаси. Жаҳон бозори хизмат қилувчи махсус инфратузилмага эга бўлиб, у халқаро уюшмалар, банклар, бирлашмалар, аукционлар, биржалар ва ҳар хил фондлардан иборат.
Жаҳон валюта тизими — жаҳрн бозорининг ривожла­ниши асосида шаклланган ва давлатлараро битимлар билан мустаҳкамланган халқаро пул-кредит муносабатлари. Мил­лий ва жаҳон захира валюта бирликлари, халқаро валюта воситалари ҳамда олтин захираларининг таркиби ва тузилиши, валюталарнинг курслари, механизми, валюталарнинг ўзаро қайтарилиши шарти, валюта чекланиши ҳажми, халқаро ҳисоб-китоблар шакли, халқаро валюта бозорлари ва жаҳон олтин бозорлари тартиби валюта муносабатларини бошқарадиган давлатлараро валюта кредит ташкилотларининг мақоми жаҳон валюта тизимининг асосий элементларига киради.