Осиё мамлакатлари туризм марказлари
Бирлашган Араб Амирликлари. Пойтахти Абу - Даби шаҳри. Иқлими - қуруқ тропик иқлим. Давлат тузуми - федерация. Майдони - 83,6 минг кв. км., аҳолиси - 3 млн. киши (2001 - йил), тили - араб, дини - ислом, пул бирлиги - дирҳам. Миллий байрами - 2 декабрь - Мустакиллик куни (1971 - йил).
Туризми: 1971 - йили етти амирликлардан ташкил топган давлат: Абу Даби, Дубай, Шаржа, Ажман, Умм ул - Қайвайн, Раъс уль - Хайма, Ал - Фужайра туризм марказлари. Йилнинг хоҳланган вақтида қуёшнинг чиқиб туриши, олий даражадаги отеллар, мўъжизавий пляжлар, арзон баҳодаги савдо, чўл саёҳати, сув спорти турлари, жиноятчиликнинг озлиги - туризм учун муҳим аҳамиятга эга эканлиги. Отеллар: Дубайдаги - Корал Бич, Сима, Гранд, Шаржадаги - Нова Парк.
Япония. Пойтахти Токио шаҳри. Иқлими - мўътадил, субтропик ва тропик иқлим. Тинч океани оролларида жойлашган. Давлат тузуми - конституцион монархия (император). Майдони - 377,8 минг кв. км., аҳолиси - 127,8 млн. киши (2004 - йил), тили - япон, дини - синтоизм ва буддизм, конфуцийлик ва даосизм, пул бирлиги - иена. Йирик ороллари: Хоккайдо, Хонсю, Секоку, Кюсю. Йирик шаҳарлари: Токио, Осака, Йокохама, Нагая. Миллий байрами - 23 декабрь - император туғилган кун (1933 - йил).
Сайёҳлик йўналишлари ва турлари. Осиё, АҚШ ва Европадан бизнес туризм, кўплаб шаҳарлардаги аэропортлар, меҳмонхоналар. Дзёмон маданияти, будда ибодатхонаси, Нара шаҳридаги Якусидан монастири, Хорюдзи ибодатхонаси. Никко шаҳрининг табиий гўзаллиги, маданий - тарихий обидалари. Нантай тоғидаги қадимий вулқон қолдиқлари. Ринно - дзи будда ибодатхонаси, авлиё Футара - сан зиёратгоҳи. Шаҳарнинг "Муқаддас шаҳар", - деб эълон қилинганлиги. Ҳайвонот дунёси. Отеллари. Ошхоналаридаги ажойиб таомлари. Балиқ овлаш. Кэгон шаршараси, тоғ гуллари. Киотодаги Рёандзи тош боғи, ибодатхоналари. Касима шаҳридаги табиий гўзаллик, пляжлар. Окинава шаҳридаги "Бусана Террас Бич" курорти, аъло баҳоли отеллари, аэропорти, эко туризм (Ириомотэ оролида), балиқ овлаш, ҳунармандчилик, музейлар. Асука қишлоғи қадимий будда ибодатхоналари, мақбаралар, тош ҳайкаллар, ҳайкалтарошлик, велосипед туризми.
Ўзбекистон - Япония муносабатлари. Япониянинг биринчи пойтахти Нара шаҳридаги Хорудзи ибодатхонаси хазинасида 8 - асрга оид Самарқанд ва Тошкентда тайёрланган осори - атиқалар, 9 - 10 асрларга оид уд мусиқа асбобининг сақланиши. Афросиёбдан топилган (12 - асрга оид) японларнинг нафис чинни идишлари. 1880 - йилнинг ёзида япон дипломати Ниси Токудзиронинг ўлкамиз бўйлаб саёҳат қилиши ва Тошкент, Самарқанд, Бухоро шаҳарлари ва Фарғона водийсида бўлиши. Хусусан, Бухорода амир Музаффар билан учрашиши. 1886 - йилда унинг "Туркистон саёҳатномаси" китобининг япон тилида чоп этилиши. 19 - аср охири ва 20 - аср бошларида Ўрта Осиёга Ясумаси Фукусима, Кадзуо Отани, Масажи Иноуэ, Зуичо Тошибина каби япон тадқиқотчиларининг саёҳат қилиши. 1992 - йилда Япониянинг Тошкентдаги элчихонаси, 1996 - йилда Ўзбекистоннинг Япониядаги элчихонасининг очилиши. Ўзбекистон республикаси президенти И. А. Каримовнинг 1994 - ва 2002 - йилларда Японияга ташрифи.
Do'stlaringiz bilan baham: |