Ўзбекистон республикаси олий ва ўрта махсус таълим вазирлиги тошкент давлат иқтисодиёт

10.2.2. Эксперт иши натижаларини расмийлаштириш 
Эксперт ўз иши натижаларини ёзма шаклдаги хулоса (ҳисобот, ҳисоб-
китоб ва ҳоказолар) кўринишида тақдим этади. 
Эксперт хулосаси етарли даражада тўлиқ ва батафсил бўлиши керак, 
токи улар билан танишган тажрибали аудитор ёки бошқа эксперт ўтказилган 

---

188 
экспертиза тўғрисида тасаввурга эга бўла олсин. Хусусан, эксперт 
хулосасида қуйидагилар акс эттирилиши керак: 
Аудит ўтказиш чоғида эксперт ўз ишини бажарган хўжалик юритувчи 
субъектнинг номи. 
Эксперт иши бажарилган объект ва эксперт масъулиятининг чегараси. 
Қўлланилган иш услуби, шу жумладан, уларнинг аввалги даврларда 
фойдаланилган услубларга мослиги. 
Ўтказилган иш билан боғлиқ бўлган ва ҳал этилмай қолган жиддий 
шубҳалар. 
Ўтказилган иш натижалари.
Эксперт хулосаси уч қисмдан: кириш, тадқиқ этиш ва хулоса 
қисмларидан иборат бўлиши керак. 
Эксперт хулосасига киритилган маълумотлар аниқ ва шундай тарзда 
ифодаланиши керак-ки, токи уларнинг мазмуни ва шакли шубҳадан холи 
бўлсин, ҳамда уларни турлича талқин қилиш имконияти бўлмасин. 
Эксперт хулосаси қоғозда, машинкада ёки аудиторлик ташкилоти билан 
келишилган, улардаги маълумотлар сақланишини таъминлайдиган бошқа 
воситалада 
тайёрланиши 
керак. 
Бундай 
воситалар 
аудиторлик 
ташкилотининг иш ҳужжатларини архивда сақлаш учун белгиланган муддат 
давомида сақланиши шарт. 
Эксперт хулосасида қуйидаги мажбурий реквизитлар бўлиши шарт: 
Ҳужжатнинг номи. 
Ҳужжат санаси. 
Экспертнинг шахсий имзоси ва унинг тафсилоти (расшифровкаси). 
Эксперт-юридик шахснинг хулосаси унинг муҳри билан тасдиқланиши шарт. 
Эксперт ўз хулосасини камида икки нусхада тайёрлайди, улардан бири 
аудиторлик ташкилоти аудит ўтказаётган хўжалик юритувчи субъектга, 
иккинчиси аудиторлик ташкилотига тақдим этилади.