Ўзбекистон республикаси олий ва ўрта махсус таълим вазирлиги тошкент давлат иқтисодиёт

Умумий стандартлар
(General standards)
– аудитор ўз олдида турган 
вазифаларни самарали бажариши учун эга бўлиши талаб этиладиган сифат ва 
малакавий талабларни ифода этади (тайёргарлик, малака, мустақиллик, 
холислик, текширув жараёнида эътиборлилик). 

---

182 
10-БОБ. БОШҚА АУДИТОР ИШ НАТИЖАЛАРИДАН 
ФОЙДАЛАНИШ. ЭКСПЕРТ ИШИДАН ФОЙДАЛАНИШ 
10.1. Бошқа аудитор иш натижаларидан фойдаланиш 
10.1.1. Стандартнинг мақсади ва вазифалари, амал қилиш соҳаси 
 
60-сонли АФМС нинг мақсади аудитор бошқа аудитор (аудиторлар) 
томонидан хўжалик юритувчи субъектнинг битта ва бир нечта 
бўлинмаларида 
ўтказилган 
аудиторлик 
текшируви 
натижаларидан 
фойдаланиб, хўжалик юритувчи субъектнинг молиявий ҳисоботи ҳақида 
аудиторлик хулосасини тузадиган ҳоллар учун меъёр ва қоидаларни 
белгилаш ҳисобланади.
Мазкур стандарт талаблари аудиторлик фаолиятини амалга ошириш 
чоғида барча аудиторлик ташкилотлари учун мажбурий ҳисобланади. 
Асосий тушунчалар. 
Мазкур стандарт мақсадлари учун қуйидаги 
асосий тушунчалардан фойдаланилади:
 
Асосий аудитор
- молиявий ҳисобот бошқа аудитор томонидан 
текширилган хўжалик юритувчи субъектнинг бир ёки ундан ортиқ 
бўлинмалари бўйича молиявий ахборотни ўз ичига олган ҳолларда, хўжалик 
юритувчи субъектнинг молиявий ҳисоботи бўйича аудиторлик хулосасини 
тузганлик учун жавобгар бўладиган аудитор; 
Бошқа аудитор
- асосий аудитор томонидан текшириладиган хўжалик 
юритувчи субъектнинг молиявий ҳисоботига киритиладиган бўлинманинг 
молиявий ахборотини текширадиган ва мазкур ахборотга доир ҳисоботни 
тузганлик учун жавобгар бўладиган аудитор; 
Бўлинма 
- фаолияти тўғрисидаги молиявий ахборот асосий аудитор 
томонидан текшириладиган молиявий ҳисоботга киритиладиган бўлим, 
филиал, шўъба корхонаси ёки бошқа хўжалик юритувчи субъект.