Ўзбекистон республикаси олий ва ўрта махсус таълим вазирлиги тошкент давлат иқтисодиёт

Махсус саволнинг текшириш натижалари бўйича аудиторнинг 
ҳисоботи. 
Аудиторнинг ҳисоботи қуйидаги аудиторлик текширишлар 
натижалари бўйича тузилади: 

---

236 
а) молиявий ҳисоботнинг баъзи бир счётлари ёки бўлимларини 
(кейинчалик «қисмлари ёки молиявий ҳисоботнинг алоҳида кўрсаткичлари» 
дейиладиган), ҳаққонийлигини баҳолаш мақсадида; 
б) хўжалик тизимининг алоҳида қисмларини-унумдорлик ва 
самарадорликни баҳолаш мақсадида; 
в) шартнома шартларига риоя этиш; 
г) хўжалик юритувчи субъектнинг хўжалик тизими алоҳида 
қисмлари(элементлари)нинг қонун ҳужжатларида, шунингдек хўжалик 
юритувчи субъект раҳбарияти томонидан белгиланган меъёрлар ва 
қоидаларга мослиги; 
д) жамланган (консолидациялашган) молиявий ҳисоботнинг алоҳида 
счётлари ва бўлимларини; 
е) бошқа молиявий маълумотларни. 
Махсус саволни текшириш бўйича буюртмачи бўлиб молиявий 
маълумотлари текшириладиган хўжалик юритувчи субъект ва ушбу хўжалик 
юритувчи субъектда махсус саволни текширишни ташкил қилган унинг 
мулкдори, иштирокчилари ва акциядорлари, назорат қилувчи ва ҳуқуқни 
ҳимоя қилувчи органлар бўлиши мумкин. 
Махсус саволни текшириш бўйича ишларга ҳақ тўлаш мазкур 
текширишни буюртмачиси ҳисобига амалга оширади. 
 
13.2.2. Махсус саволни текшириш бўйича аудитор
ҳисоботининг мазмуни
Махсус саволни текшириш натижалари бўйича аудитор ҳисоботи ўз 
ичига қуйидаги элементларни олиши керак: 
а) ҳисоботнинг номи (текширилаётган савол кўрсатилган ҳолда, 
масалан, «ХХХ корхонасининг дебитор ва кредитор қарзлари тўғрисидаги 
маълумотномани текшириш натижалари бўйича аудиторлик ташкилотининг 
ҳисоботи»); 
б) адресат; 
в) кириш қисми; 

---

237 
аудиторлик ташкилотининг номи, почта манзили ва аудиторлик 
ташкилотининг бошқа реквизитлари (аудиторлик фаолиятини амалга 
ошириш учун берилган лицензиянинг рақами ва санаси, амал қилиш 
муддати, аудиторлик ташкилотини давлат рўйхатига олиниши тўғрисидаги 
гувоҳноманинг рақами, ҳисоб-китоб счётининг рақами, телефонлари); 
текширишда иштирок этган аудитор(аудиторлар)нинг, шунингдек 
аудиторлик ташкилоти раҳбарининг фамилияси, исми, отасининг исми; 
текширилаётган махсус савол бўйича тавсифномаси (таърифи); 
хўжалик юритувчи субъект аудиторлик ташкилотига тақдим қилаётган 
маълумотларнинг ҳаққонийлигига, аудиторлик ташкилоти эса махсус 
саволнинг текшириш натижалари бўйича ўз ҳисоботининг ҳаққонийлигига 
жавобгарлиги; 
г) таҳлилий қисми; 
аудитор томонидан махсус савол текширилганда бажарилган амаллар 
рўйхати; 
текшириш давомида қўлланилган стандартлар; 
аниқланган бузилишлар (аниқ далиллар); 
д) якуний қисм: 
махсус 
саволнинг 
текшириш 
натижалари 
тўғрисида 
аудитор(аудиторлар)нинг фикри; 
е) махсус саволнинг текшириш натижалари бўйича аудитор ҳисоботи 
берилган сана; 
ж) аудиторнинг (аудиторларнинг) имзоси; 
Махсус саволнинг текшириш натижалари бўйича аудитор ҳисоботининг 
ҳар бир бети махсус саволни текширган аудитор томонидан имзоланган 
бўлиши шарт. 
Аудитор ўз ҳисоботида текшириш давомида аниқланган камчиликларни 
бартараф этиш, уларни белгиланган тартибга мос келтириш бўйича, 
текширилаётган 
объектни 
такомиллаштириш, 
унумдорлигини 
ва 
самарадорлигини ошириш бўйича тавсиялар ва таклифлар бериши керак. 

---

238 
Агар аудитор текширилган объект бўйича ягона фикрни акс эттира 
олмаса (аниқ бир фикрга кела олмаса) бундай ҳолатларда у якуний қисмдан 
олдин ушбу қарорни асослаб берувчи қўшимча қисмни келтириши зарур 
бўлади. Қўшимча қисмда баён қилинган фикрлар аудитор томонидан якуний 
қисм шакллантирилаётганда фойдаланилади. 
Аудиторлик ташкилотидан махсус саволнинг текшириш натидалари 
бўйича аудитор ҳисоботининг ягона шаклига риоя этиши талаб қилинади.