Ўзбекистон республикаси олий ва ўрта махсус таълим вазирлиги тошкент давлат аграр университети

2.3. МАВЗУ БЎЙИЧА “КЕЙС” ТОПШИРИҚЛАРИ
КЕЙС-1
Педагогик Аннотация
Ўқув предмети: Қишлоқ хўжалиги фитопатологияси.
Мавзу:Картошканинг асосий касалликлари.
Кейс-стадининг асосий мақсади:
Ўсимликларда касаллик қўзғатувчи микроорганизимларнинг тўпланиш сабабларини аниқлаш, жиддий хатарлар борлигини кўрсатиб бериш ҳамда таҳлил қилиш, уларнинг олдини олиш бўйича чора – тадбирларни ишлаб чиқиш.
Ўқув фаолиятидан кутиладиган натижалар: касаллик қўзғатувчи патогенларнинг белги хусусиятларини аниқлаш, уларнинг тур таркибларини ўрганиш, муаммоли вазифаларни ечишда назарий билимларини қўллаш; муаммони аниқлаб, уни ҳал қилишда ечим топиш.
Ушбу кейс-стадини муваффақиятли амалга ошириш учун олдиндан ўқувчилар қуйидаги билим ва кўникмаларга эга бўлмоқлари зарур:
Ўқувчи билиши керак: патоген, инфекция манбаси, касаллик белгилари,.кассалликларнинг тарқалиши, патоген микроорганизимларнинг сақланиш шароити, кураш чоралари
Ўқувчи амалга ошириши керак: мавзуни мустақил ўрганади; муаммонинг моҳиятини аниқлаштиради; мустақил қарор қабул қилишни ўрганади; ўқув маълумотлар билан мустақил ишлайди; маълумотларни таққослайди, таҳлил қилади ва умумлаштиради;
Ўқувчи эга бўлмоғи керак: касаллик тушунчасига, ўсимликларда касаллик қўзғатувчи микроорганизмлар тўғрисидаги билимларга, ҳамкорликдаги ишлар кўникмаларига; муаммоли ҳолатлар таҳлил қилиш кўникмаларига.


Ахборот олиш манбалари рўйхати:
1.Хасанов Б.О. Сабзавот ва полиз экинлари касалликлари ва уларга қарши кураш чоралари. Тошкент., 2008.
2.Саттарова Р.Қ. ва бош. Қишлоқ хўжалиги фитопатологияси. Тошкент.,2012.
Технологик хусусиятлардан келиб чиққан ҳолда кейс-стадининг тавсифномаси:
“Жасурбек Сарварбек” номли фермер хўжалиги бир неча йиллардан буён картошкачилик билан шуғулланиб келади. Умумий ер майдони 32 га. Хўжаликда касалликларга қарши кураш тизими издан чиқган узоқ йиллардан буён касалликларга қарши кўр-кўрона курашиб еклинади. Ер майдонларининг экинлар етиштириш бўйича тарихи юритилмаган. Кураш усуллари ва пестицидларни қўллаш бўйича тавсиялар, хисоб ишлари юритилмаган. Ушбу майдонда етиштирилаётган картошкада фитофтороз, алтернариоз, илдиз чириш ва фузариоз касалликлари сурункали тарзда тарқалиб хосилдорликга кучли зарар етказиши оддий холатга айланиб қолган. Хўжалик қилган харажатлари ва фойда мутаносиблиги бузилган. Фермер хўжалиги иқтисодий зарарлар туфайли банкротлик еьлон қилди.