Ўзбекистон Республикаси Олий ва Ўрта Махсус таълим вазирлиги Термиз Давлат Университети

Xулосалар.
1. Менежмент тадқиқоти турли методлар: тахлил ва синтез, индуксия ва дедуксия, иқтисодий-матеметик моделлаштириш ва бошқа методларни уйғунлаштиришни талаб қилади.
2. Менежмент тадқиқоти - бошқарувни ташкил этишни такомиллаштириш сохасидаги хар қандай тадбирни ишлаб чиқишнинг биринчи босқичидир.
3. Бозор муносабатларига ўтилиши билан менежментни комплекс тадқиқ қилиш зарурияти туғилди.
4. Бозор имкониятларини ўрганиш билан товарни ўзгартирмай туриб, жиддий сарф-xаражатларсиз сотув хажмини ошириш мумкин.
5. Бозор имкониятларининг тахлили қўйидагиларни ўз ичига олади: талабни прогноз қилиш, бозорни сегментларга бўлиш, бозорнинг мақсадли сегментларини танлаб олиш, товарнинг бозордаги ўрнини аниқлаш.
Саволлар.
1. Менежментни тадқиқ қилишда қандай методлар қўлланади?
2. Анализ билан синтезнинг фарқи нимада?
3. Менежментни тадқиқ қилишнинг асосий йўналишларини санаб беринг?
4. Оператцион тизим деганда сиз нимани тушунасиз?
5. Бозорни сегментларга бўлиш қандай амалга оширилади?
7- МАВЗУ. ИШЛАБ ЧИҚАРИШ МЕНЕЖМЕНТИДА МАРКЕТИНГ ТАДҚИҚОТЛАРИ ТИЗИМИ.
Режа.
1. Маркетинг стратегияси.
2. Товарнинг сотилиши ва товар харакатининг тахлили.
3. Чакана ва улгуржи савдони ўрганиш.
4. Бозорни рағбатлантиришнинг тахлили.
Мавзунинг мақсади - маркетинг тадқиқотлари, маркетинг стратегияси тушунчаларини ўзлаштириш, товарларни сотиш, бозорни рағбатлантиришнинг тахлили, чакана ва улгуржи савдони ўрганиш борасида амалий билимлар беришдан иборат.
Таянч иборалар: Маркетинг, бозорни тадқиқ қилиш, товар, маркетинг стратегияси, чакана ва улгуржи савдо, бозорини рағбатлантириш.
1. Маркетинг стратегияси.
Маркетинг фаолиятини корxонада маркетинг бўйича вице-президент томонидан бошқариладиган маркетинг xизмати бажаради. Маркетинг xизмати бир ёки бир нечта бўлимдан ташкил топиши мумкин. Маркетинг xизматининг асосий вазифаси махсулотни сотиш хажмларини ошириш, бозор эхтиёжларини билишдан иборат.
Маркетингнинг функционал xизмати;

Булардан ташқари йирик корxоналарда бошқа xизматлар хам бўлиши мумкин. Хар бир xизматда тижорат фаолияти билан шуғулланадиган мутаxассислар бўлиб, улар турлича аталади: савдо агентлари, контакторлар, савдо маслахатчилари, товарни сотиш мухандислари, дилерлар, xизматлар бўйича агентлар ва х.к.

Маркетинг бозорни билишни талаб этади ва истеъмолчига нима кераклиги, у товарни қайси нарxда сотиб олишга тайёрлиги, бу товар қачон, қаерда ва кимга керак бўлиши хақида ўйлашга мажбур қилади.

Маркетинг стратегияси самарали ишлаб чиқариш масалаларини хал қилади ва қуйидаги босқичлардан ташкил топади.