Ўзбекистон республикаси олий ва ўрта махсус таълим вазирлиги т ермиз давлат университети

Цитрус ўсимликларининг совуққа чидамлилиги

Ўсимлик аъзолари	Лимон	Апельсин	Мандарин
Мевалари	-1,5-2,5	-1,7-2,5	-1,5-2,5
барглари	-3-5	-4-6	-5-7
бир ва уч йиллик новдалари	-5-6	-6-8	-8-9
шохлари	-7-8	-8-9	-9-10
бутунлай совуқ уриши	-8-9	-9-10	-10-11

Ҳарорат -1,5-2,5⁰С бўлганда мевасини, -3-7⁰С баргини ва етилмаган навдаларини -5-9⁰С да эски навдаларини, -7-10⁰С да шохларини, -8-11⁰С да дарахтни бутунлай нобуд қилади.

Цитрус ўсимликларининг янги ўсимталари +10⁰С ва ундан юқори бўлса яхши ривожланади. +20-25⁰С да яхши гуллайди, ундан пасайиб кетса гуллаш тўхтайди.
Цитрус ўсимликларида гул куртаклар бўлиб, бир йилда 3 марта шаклланади. Гул шаклланишининг давомийлиги ўртача 7 кун бўлиб, гуллаш даври 3,5,7 ҳафтагача давом этади. Цитрус ўсимликларининг икки жинсли, кўпчилик навлари ўз-ўзидан чангланиб ўзининг чанги билан яхши мева тугади, оналик гуллари 5-6 кунгача оталаниш қобилиятини сақлаб туради.
Цитрус ўсимликларининг яхши ривожланиши учун 70-80 ва ундан юқори барги бўлиши керак, бундан камайса ҳосилдорлик камаяди. Цитрус ўсимликларининг яхши ўсиши ва юқори ҳосил бериши учун ёруғлик, иссиқлик, ҳаво, сув ва озиқа етарли даражада бўлиши талаб қилинади.
Цитрус ўсимликларидан апельсин энг иссиқга талабчан ҳисобланади. Цитрус ўсимликларидан юрори ҳосил олиш учун уларнинг орасига чангчи навларини экиш тавсия этилади. Бунда ҳар 100 кўчатга 4-6 та бошқа тур ёки нав экилса четдан чангланиш ҳисобига ҳосилдорлик ортади. Тажрибалар шуни кўрсатадики катта майдонларда экилган цитрусзорларда асалариларни сақлашнинг аҳамияти катта. Бунда ўсимликларнинг яхши чангланиши ҳисобига ҳосилдорлик кескин кўпаяди.