Ўзбекистон республикаси олий ва ўрта махсус таълим вазирлиги ш. З. Умарованинг таҳрири остида

3.3. Дори воситалари ва тиббий буюмларни чакана реализация қилишни лицензиялаш тартиби
Дори воситалари ва тиббий буюмларни чакана реализация қилишни лицензиялаш тартиби Ўзбекистон Республикаси Вазирлар Маҳкамасининг 2017 йил 14 февралдаги ПК-2773-сон Қарори билан тасдиқланган Низом асосида амалга оширилади.
Ушбу низомга асосан дори воситалари ва тиббий буюмларни чакана реализация қилишни лицензиялаш Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан лицензия талабгорининг давлат рўйхатидан ўтган манзили бўйича амалга оширилади.
Дори воситалари ва тиббий буюмларни чакана реализация қилишни лицензиялаш қуйида келтирилган схемага мувофиқ амалга оширилади.
Дори воситалари ва тиббий буюмларни чакана реализация қилишни лицензиялаш тадбиркорлик субъектларига «ягона дарча» тамойили бўйича давлат хизматлари кўрсатиш ягона марказлари ёки Ўзбекистон Республикаси интерактив давлат хизматлари кўрсатиш ягона портали орқали амалга оширилади.
Дори воситалари ва тиббий буюмларни чакана реализация қилиш фақат дорихоналар ва уларнинг филиаллари орқали намунавий (оддий) лицензиялар асосида амалга оширилади.
Дори воситалари ва тиббий буюмларни чакана реализация қилиш учун лицензия беш йил муддатга берилади.
Лицензия беш йилдан кам муддатга фақат лицензия талабгорининг аризасига биноан берилиши мумкин.
Дори воситалари ва тиббий буюмларни чакана реализация қилиш учун лицензия олиш, фармацевтика фаолиятининг бошқа қисмларига лицензия олиш ҳуқуқини чекламайди.
Лицензияни ёки унга доир ҳуқуқларни бошқа шахсларга бериш тақиқланади.


Схема

Босқичлар

Субъектлар

Тадбирлар

Бажариш муддатлари