Ўзбекистон республикаси олий ва ўрта махсус таълим вазирлиги ш. З. Умарованинг таҳрири остида

5.6. Рецепт бланкларининг сақланиши
Ҳар бир даволаш-профилактика муассасаси раҳбари буйруғи билан рецепт бланкларининг сақланиши ва ҳисобининг олиб борилиши учун жавобгар шахс тайинланади.
Ҳар бир даволаш-профилактика муассасасидаги даволовчи шифокорларга рецепт бланклари ушбу муассаса раҳбарининг буйруғи билан тайинланадиган жавобгар шахс томонидан, дам олиш ва байрам кунлари ҳамда тунги вақтларда эса даволаш-профилактика муассасасининг масъул навбатчи шифокори томонидан берилади.
Шифокорларга бериладиган рецепт бланкларининг ҳисоби Даволаш-профилактика муассасаларида рецепт бланкларини беришни қайд қилиш журналига мувофиқ юритилади.
Рецепт бланкалари ҳисоби олиб бориладиган журнал бўйича рецепт бланклари қолган сонининг мавжуд рецепт бланкалари сонига мос келмаслигиҳолида рецепт бланкаларини сақлаш, ҳисобини олиб бориш ва бериш учун масъул шахс Ўзбекистон Республикаси қонунчилигида кўзда тутилган ҳолда жавобгарликка тортилади.
Ҳудудий соғлиқни сақлаш бошқармалари мунтазам равишда ўз тизимидаги даволаш-профилактика муассасаларини текшириш чоғида рецепт бланкаларидан фойдаланиш ва улар сақланишининг таъминланишини назорат қилади.
Назорот саволлари

1. 
   Квитанция дафтарчаси неча қисмдан иборат
   
2. 
   Таксировка қилиш қоидаларини айтиб беринг
   
3. 
   Имтиёзли рецептлар дорихоналарда қанча cақланади.
   
4. 
   Рецепт бланкаларини таркибий кисмлари нималардан иборат
   
5. 
   Сигнатура бу-.......
   
6. 
   Рецепт бланкалари нечта турга бўлинади.
   
7. 
   Рецепт бу-.....
   
8. 
   Асосий рецептура қисқартмаларига мисоллар келтиринг
   
9. 
   Фармацевтик экспертиза нима?
   
10. 
    Таксировка килиш бу-.....
    

6-боб. Дорихона шароитида дори воситаларини тайёрлаш ишларини ташкил қилиш
6.1. Дорихона шароитида ишлаб чиқариш жараёнларининг ташкил қилиш ва унинг ҳуқуқий асослари.
6.2. Ностерил дори тайёрлашга қўйиладиган санитар талаблар.
6.3. Асептик шароитда дори тайёрлашга қўйиладиган санитар талаблар
6.4. Дорихонада санитар талаб қоидаларини назорат қилиш.
6.5. Ишлаб чиқариш хоналарини моддий-техник таъминоти.