Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

Информацион техник воситалар
Компьютер – ўқув хоналари, компьютерлар, кодоскоп, видеопроектор, электрон доска.

«ИНФОРМАТИКА ВА АХБОРОТ ТЕХНОЛОГИЯЛАРИ» ФАНИНИНГ ФАН ДАСТУРИ (ишчи ўқув дастури)

1. Кириш. Ҳозирги кунда фан – техникани жадал суратлар билан ривожланиши натижасида турли мураккаб жараёнларни ва турли иқтисодий масалаларни, уларни математик нуқтаи назардан тасаввур қилиш, моделларини тузиш, алгоритм ва дастур таъминотини яратиш нафақат назарий жиҳатдан, балки амалий жиҳатдан ҳам долзарб бўлган муаммолардан бири ҳисобланади. Фан назарий ва амалий қисмлардан иборат бўлиб, у информатика, ахборот технологиялари, алгоритмлар, Паскал, Визуал Бейсик дастурлаш тилида дастурлаш асослари, Windows операцион тизими, Office дастурлари, математика ва иқтисодий масалаларини ечиш учун мўлжалланган махсус дастур пакетларидан ташкил топган.
Республикамиз хукумати ва раҳбарияти томонидан таълим тизимини тубдан ислоҳ қилиш, замонавий ахборот технологияларини ҳаётга жорий этиш ва ёшларнинг уларни ўрганишлари кераклиги уқтирилган кўплаб хуқуқий норматив ҳужжатлар қабул қилинмоқда. Масалан, Ўзбекистон Республикасининг Президентининг “Компютерлаштиришни янада ривожлан-тириш ва ахборот коммуникация технологияларни жорий этиш тўғрисида” ги ПФ-3080-сонли фармони ва ушбу фармонни бажарилиши юзасидан Вазирлар Маҳкамасининг 2002 йил 8 июнда “2002 – 2010 йилларда компютерлаштириш ва ахборот технологияларини ривожлантириш дастури тўғрисида” ги қарори ҳамда Халқ депутатлари Самарқанд вилоят Кенгашининг 2010 йил 17 декабрдаги навбатдан ташқари сессиясида Президентимиз И.А.Каримовнинг қилган маърузасида олий таълим муассасаларида таълим бериш сифатини тубдан яхшилаш, компьютер техникаси ва технологиясидан самарали фойдаланиш, шунингдек, интернет тизимини ўқув ва илмий ишлар жараёнига тадбиқ этиш, ўзлаштириш ҳамда янада ривожлантириш устувор вазифалардан бири эканлиги қайд этилганлигини кўрсатиб ўтиш мумкин.
Фаннинг мақсади: “Информатика ва ахборот технологиялари” фанининг ўқитиш жараёнида талабалар замонавий компютерлар билан ишлашни урганиб, талаба компютер ва унда дастур тузишни ўзлаштирган холда ўз мутахассислиги бўйича ечиладиган масалаларга уларни тадбиқ қилиш кўникмасини ҳосил қилиши керак.
Берилган масалаларни ечиш учун алгоритмлар тузиш ва улар асосида дастурлар туза олиш; операцион тизимлар; компьютерларнинг дастурий таъминоти; дастурларнинг турлари; махсус дастур пакетларидан (мутахассислик бўйича) фойдалана олиш; амалий масалаларни моделлаштириш; замонавий компьютер технологиялари воситаларидан фойдалана олиш ҳамда билим ва кўникмаларига эга бўлиш фаннинг асосий вазифасига киради.