Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

1 - БЎЛИМ

«ИНФОРМАТИКА ВА АХБОРОТ ТЕХНОЛОГИЯЛАРИ» ФАНИНИНГ ЎҚУВ

ПРЕДМЕТИГА КИРИШ

«ИНФОРМАТИКА ВА АХБОРОТ ТЕХНОЛОГИЯЛАРИ» ФАНИНИНГ НАМУНАВИЙ ЎҚУВ ДАСТУРИ

КИРИШ
Республикамизда таълим тизимига алоҳида аҳамият берилмоқда. Жумладан, 1997 йил 29 августда қабул қилинган “Таълим тўғрисида”ги, “Ахборотлаштириш тўғрисида”ги (1993 йил, 2004 йил) ва “ЭҲМ ва маълумотлар базаси учун дастурларни хуқуқий муҳофазалаш тўғрисида”ги (1994 йил, май) қонунлари, “Ўзбекистон Республикасининг ахборотлаштириш концепсияси” (1994 йил декабрь), Ўзбекистон Республикаси Вазирлар Маҳкамасининг 2002 йил 8 июнда “2002 – 2010 йилларда компютерлаштириш ва ахборот технологияларини ривожлантириш дастури тўғрисида” ги қарори, Халқ депутатлари Самарқанд вилоят Кенгашининг 2010 йил 17 декабрдаги навбатдан ташқари сессиясида Президентимиз И.А.Каримовнинг қилган маърузасида олий таълим муассасаларида таълим бериш сифатини тубдан яхшилаш, компьютер техникаси ва технологиясидан самарали фойдаланиш, шунингдек, интернет тизимини ўқув ва илмий ишлар жараёнига тадбиқ этиш, ўзлаштириш ҳамда янада ривожлантириш устувор вазифалардан бири эканлиги қайд этилганлигини кўрсатиб ўтиш мумкин ва ҳукуматимиз томонидан ишлаб чиқилган кўплаб бошқа меъморий ҳужжатлар бунга мисол бўлади.
“Информатика ва ахборот технологиялари” фани Олий ўқув юртларида ўқитиладиган компьютер саводхонлиги борасидаги узлуксиз дастур тизимига киради ва Давлат таълим концепсиясига асосланади.
Ўқитиш мақсади ва вазифаси.
«Информатика ва ахборот технологиялари» фанини ўқитишдан асосий мақсад талабаларда замонавий техник воситалар, операцион тизимлар ва инструментал воситалардан фойдаланиш усуллари, ҳисоблаш жараёнларини автоматлаштириш тамойиллари ва услублари билан чуқур ва ҳар томонлама таништиришдан иборатдир.
«Информатика ва ахборот технологиялари» фанининг асосий вазифалари талабаларда замонавий ахборот маданияти пойдеворини ҳосил қилиш ва маълумотларни қайта ишлаш жараёнини автоматлаштириш асосларини эгаллаш ва улардан амалда фойдаланишдан иборатдир.