Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти “бухгалтерия хисоби ва аудит” кафедраси

АУДИТДА МУҲИМЛИК ТУШУНЧАСИ ВА АУДИТОРЛИК РИСКИ.


НАЗОРАТ САВОЛЛАРИ:

1. 
   Аудиторлик рискининг корхона фаолиятига таъсири қандай?
   
2. 
   Аудитда жиддийлик деганда нимани тушунасиз?
   
3. 
   Аудитнинг умумий режаси ва дастурини тузишда нимага аудит риски ва жиддийлик даражалари миқдори кўрсатилиши талаб этилади?
   
4. 
   Корхонанинг фаолиятини тавсифлаш ва ички назорат тизимига баҳо беришда қайси аудит рискидан фойдаланилади?
   
5. 
   Аудиторлик таваккалчилиги ва муҳимлик даражасини аниқлашга мисол келтиринг?
   

1-амалий машғулот.

1-Масала. Аудиторлик фирмаси мижозининг 3 та катта магазинлари мавжуд. Унинг ҳар бирида бир нечта бўлимлари бўлиб, улар камида 5 йилда бир марта ҳужжатли текширишдан ўтиши керак. Аудитор олдига риск юқори бўлган бўлимларни мукаммал текшириш вазифаси қўйилган. Магазинларнинг ҳар бирида ички назорат бўлими мавжуд. Ўтган йили магазинларда аудиторлик текшируви ўтказилган.
Топшириқ: Аудитор рискни баҳолаш учун нималарга эътибор бериши керак?

2-Масала. “Шодлик” фирмаси сизнинг аудиторлик фирмангизга текширув ўтказиб бериш юзасидан мурожаат қилди. Аввалги аудиторлик фирмаси билан шартноманинг бузилиш сабаби аудиторлик хулосасининг ўз вақтида тақдим қилинмаганлигидир

“Шодлик” фирмасининг иккита бўлинмаси мавжуд бўлиб, уларнинг биринчиси бош офис билан бир жойда жойлашган. Биринчи бўлим корхона ва ташкилотларга иситиш ва совитиш системасини ўрнатиб беради. Барча ишлар истеъмолчиларнинг талабларига биноан шартнома асосида амалга оширилади. Иккинчи бўлинма бош офисдан 25 км узоқда жойлашган бўлиб, электр буюмларини ишлаб чиқиш билан шуғулланади.
Иккала бўлимда ҳам бухгалтер мавжуд бўлиб, молиявий натижалар тўғрисидаги ҳисобот алоҳида тайёрланади ва бош офисда консолидациялашган ҳисобот тузилади. Охирги йилларда биринчи бўлим даромадли бўлиб, иккинчи бўлимда рентабеллик пасайган. Директорлар Кенгаши иккинчи бўлимни сотиб юбориш учун харидор изламоқда. Биринчи бўлимнинг менеджерлари юқори малакали бўлиб, ишни тўғри ташкил қилишган. Шунинг учун директор акциялар курсини кўтариш мақсадида тезроқ аудиторлик хулосасини олишни режалаштирган.