Ўзбекистон республикаси олий ва ўрта махсус таълим вазирлиги самарқанд давлат чет тиллар институти

Курснинг ўқув режадаги бошқа фанлар билан боғлиқлиги
Бошланғич синфларда чет тилини ўқитиш методикаси фани тўртинчи босқичда бошқа назарий ва амалий фанлар билан узвий боғлиқ ҳолда ўқитилади. Мазкур курс талабаларнинг чет тилини ўқитиш, тил ўрганувчилар луғат бойлигини янги сўз ва атамалар билан бойитишга, жонли тил билан алоқа қилишларига, ҳозирги замон хорижий тилларнинг ўзига хос хусусиятларини ўргатишга қаратилган бўлиб, у асосий ўрганилаётган тил, шунингдек ижтимоий фанлар – педагогика, психология, фалсафа, социология, шунингдек, ихтисослик фанлари бўлган лексикология, стилистика, таржима назарияси ва амалиёти каби фанлар билан узвий боғлиқ.


Курсни ўқитишда замонавий ахборот ва педагогик технологиялар
Талабаларнинг “Бошланғич синфларда чет тилини ўқитиш методикаси” курсини ўзлаштиришлари учун ўқитишнинг илғор ва замонавий методларидан, педагогик ва ахборот-коммуникация технологияларидан кенг фойдаланилади. Машғулотларда дарслик ва ўқув қўлланмалардан ташқари аутентик материаллар: аудио, видео, касбга доир журналлар, интернет манбаларидан фойдаланиш мақсадга мувофиқ. Ушбу фанни ўқитиш жараёнида таълимнинг интерфаол методлари кенг қўлланилади. Жумладан, амалий машғулотларда мос равишдаги интерфаол методларнинг қуйидаги турларидан кенг фойдаланилади:

• 
  гуруҳли музокаралар;
  
• 
  жамоа лойиҳалари;
  
• 
  жуфтликлар бўлиб топшириқларни бажариш;
  
• 
  якка ҳолда маълум мавзу бўйича презентациялар қилиш;
  
• 
  давра суҳбатлари ўтказиш;
  
• 
  кейс– стади;
  
• 
  ақлий ҳужум ва ҳ.