Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти халқаро молиявий ҳисобот стандартлари

Биринчи босқич: Бирликларнинг жисмоний миқдорини ҳисоблаб чиқиш.

Иккинчи босқич: Харажатлар моддалари бўйича бирлик таннархини ҳисоблашда эквивалент бирликлар миқдорини аниқлаш.

Учинчи босқич: Харажат моддалари бўйича ҳамда жами таннархни Ишлаб Чиқариш Жараёни счёти маълумотлари бўйича аниқлаш.

Тўртинчи босқич: Эквивалент бирлик таннархини ҳисоблаш.

Бешинчи босқич: Таннархни тўлиқ якунланган бирликлар ҳамда Ишлаб Чиқариш Жараёни охиридаги бирликларга тақсимлаш

Биринчи ва иккинчи босқичлардаги амалга ошириладиган жараёнлар 4.1-жадвалда келтирилган.
4.1-жадвал
Бирликларнинг жисмоний миқдори ва эквивалент бирлик ҳисоби

Маҳсулот оқими	1-босқич. Жисмоний бирликлар	2-босқич. Эквивалент бирлик
		Тўғридан-тўғри материал	Қайта ишлаш харажатлари
Бошланган ва якунланган	20.000	20.000	20.000
Ишлаб чиқариш жараёни, охирида	5.000 (25%)*	5.000	1.250**
Ҳисоблаш учун асос бўладиган бирликлар	25.000	25.000	21.250

*Бу ишлаб чиқариш жараёни охирида мавжуд бўлган бирликларга ишлов берилганлик даражасини тавсифлайди.
** 5,000 жисмоний бирлик х 25% қайта ишлаш харажатларининг амалга оширилган қисми.
Ушбу жадвалда биринчи босқичида маҳсулотлар жисмоний бирликлари ҳаракати кўрсатилди. Апрель ойида ишлаб чиқарилган маҳсулот бирлиги қанчага тенг? 25.000 бирлик бўлмайди. Чунки, 20.000 бирлик тўлиқ якунланган ва бошқа жараёнга ўтказилган, 5.000 бирлик эса қисман якунланган. Қисман якунланган бирликларни тўлиқ якунланган бирликларга тенглаштириб бўлмайди. Шу боис, ишлаб чиқарилган маҳсулот бирлигини жисмоний бирликлар билан эмас, балки эквивалент бирликлар билан ўлчаш мақсадга мувофиқдир.
4.2-жадвалда ишлаб чиқарилган маҳсулот таннархи ҳисоботи келтирилган. Бу ҳисобот 3, 4 ва 5-босқичларни ўзида акс эттирмоқда.