Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти “молия” кафедраси

Уй хўжаликлари молиясини тартибга солиш (тартиблаш) функциясининг намоён бўлишини қуйидаги икки нуқтаи назардан қараш мақсадга мувофиқ:
макроиқтисодиёт;
микроиқтисодиёт.
Макроиқтисодий ёндашув нуқтаи назаридан уй хўжаликлари молияси, бир вақтнинг ўзида, давлат томонидан иқтисодиётни тартибга солишнинг объекти ва инструменти ҳисобланади. Уй хўжаликлари молиясини тартибга солабориб, давлат, энг аввало:
бозор муносабатларига хос бўлган даромадларни табақалаштириш муаммосининг ўткирлигини камайтиради;
аҳоли даромадлари манбаининг таркибий тузилиши ва дина-микасидаги (ўзгаришидаги) тенденцияларнишакллантиради;
истеъмолнинг минимал даражасини тартибга солади;
уй хўжаликларининг инвестицион салоҳиятига таъсир кўрсатади.
Микроиқтисодий ёндашув нуқтаи назаридан эса уй хўжаликларининг иқтисодиёти унинг турли иштирокчилари ўртасидаги етарли даражада мураккаб бўлган муносабатлар комплексига асосланади. Бу муносабатлар ёш борасидаги фарқлар, характернинг белгилари, одамларнинг хулқ-атворни, улар даромадлари ва эҳтиёжларининг хилма-хил даражаси билан белгиланади. Шу билан биргаликда, фақат унинг иштирокчилари иқтисодий қарорлар қабул қилишда ўзаро тушунишга эга бўлсаларгина, уй хўжаликларининг соғлом ривожланиши содир бўлиши мумкин. Ўз навбатида, уй хўжаликла-рининг турли иштирокчилари иқтисодий манфаатларини мувофиқлаштириш уларни тартибга солиш орқали амалга оширилади. “Уларни тартибга солиш” дейилганда, уй хўжалигининг бир аъзо-сига тўғри келадиган даромаднинг бир қисмини ўзгартирилиши назарда тутилади. Демак, бундан уй хўжаликлари молиясининг яна бир функцияни – иқтисодий бирлик сифатида уй хўжалигининг баланслаштирилган тарзда ривожланишини қўллаб-қувватловчи тартибга солиш функциясини бажариши яққол кўриниб турибди.
Уй хўжаликлари молиясининг рағбатлантирувчи функцияси турли шакл ва мазмунда ўзини ифода этади. Бир томондан, у ўз ўсиб борувчи эҳтиёжларини (объектив иқтисодий қонунининг ҳара-катига мувофиқ равишда) қондириш учун зарур бўлган даромадларни уй хўжаликлари томонидан оширишга интилиш туфайли намоён бўлади. Бошқа бир томондан эса, уй хўжаликлари даромадларининг ўсиши меҳнат фаолиятининг сифати ва натижаларига асосланган бўлмоғи лозим.
Уй хўжаликлари молиясининг рағбатлантирувчи функцияси аҳоли реал даромадларининг ўсишига йўналтирилган ишлаб чиқа-риш жараёнининг ривожланишига ва самарали бюджет сиёсатига асосланган рағбатлантирувчи молия механизмини яратиш орқали амалга оширилади.
Уй хўжаликлари молияси амал қилишининг ижтимоий йўна-лишлари унга тегишли бўлган юқоридаги барча функцияларнинг таҳлилида кузатилади. Шундай бўлишига қарамасдан, ижтимоий функциянинг уй хўжаликлари молиясига тегишли бўлган алоҳида функция сифатида қаралиши, маълум маънода асосланган деб ҳисоблаш мумкин. Чунки уй хўжаликларининг даромадлари, харажатлари ва жамғармалари аҳоли ва унинг алоҳида гуруҳлари ижтимоий-иқтисодий ҳолатини бевосита акс эттиради, шахснинг шаклланиши ва демографик жараёнларга ўз таъсирини кўрсатади. Ана шу маънода, уй хўжаликлари молияси жамият аъзоларининг ҳаётий таъ-минланиш даражасини шакллантириш, истеъмол талаби таркибий тузилишининг хусусиятларини аниқлайди, аҳоли даромадларини тақсимлашдаги боғлиқликларни ифодалайди, жамият ижтимоий-иқтисодий стратификациясига таъсир кўрсатувчи асосий омил бў-либ ҳисобланади. Молиявий индикаторлар (масалан, ўртача жон бошига тўғри келувчи пул даромадлари, аҳоли даромадларининг табақаланиш коэффициенти, яшаш минимуми, минимал иш ҳақи ва бошқалар) тараққиёт ижтимоий-иқтисодий дастурларининг мажбурий элементи ҳисобланади, давлат ижтимоий сиёсатининг ишлаб чиқилиши учун асос бўлиб хизмат қилади, жамиятнинг фаровонлик даражасини баҳолашга имкон беради.
Уй хўжаликлари молиясининг самарали фаолият кўрсатиши уй хўжаликларидаги молиявий муносабатларнинг кўлами, бу муносабатлар намоён бўлиши хилма-хиллигининг тўлиқлиги ва уларнинг ривожланишини таъминловчи механизмларга боғлиқ.