Ўзбекистoн республикаси олий ва ўрта махсус таълим вазирлиги самарқанд давлат чет тиллар институти

.Талаффузга ўргатиш принциплари. 
Ҳар қандай сохага 
ўргатишнинг ўзига яраша қонун-қоидалари бўлганидек, талаффузга ўргатишда 
ҳам ўқитувчи маълум қонун-қоидаларга риоя қилади. Бу қоидаларга риоя 
қилиниши таълим жараёнинг самарадорлигини таъминлайди. Улар 
қуйидагилардан иборат:
1.Талаффузга 
ўргатишда 
она 
тилида 
шаклланган 
талаффуз 
малакаларидан самарали фойдаланиш. Методик адабиётларда бу ҳодиса
«малакаларни кўчириш» деб аталади. Шу принцип айрим товушларнинг 
тақлидий талаффузини шакллантиришда, она тилидаги ва чет тили тилидаги 
муайян бир товушни талаффуздаги фарқларни аниқлашда, қиёслашда, 
таққослашда фойдаланилади; 
2.Талаффузга ўргатишда барча сезги органларни комплекс ишга 
тушишини таъминлаш. Бу принцип ўқувчидан товушни эшитишни, унинг 
график ифодаланишини кўришни, ўз нутқ органларининг ҳолатини кўрган 
ҳолда муайян товушни, сўз, жумла талаффузини ўзлаштиришни кўзда тутади;
3.Ўрганиладиган фонетик материалнинг ўзига хос ҳусисиятларни 
ҳисобга олиб, ўргатишни энг самарали усулларидан танлаш. Бу ўринда 
нафақат сезги органларига комплекс таъсир, балки ўқувчи фаолиятини 
самарали ташкил қилиш имконини берадиган, тақлидий-тахминий, 
дифференциялаштирувчи машқлардан фойдаланиш лозим бўлади;
4.Талаффузга 
ўргатишда таълимнинг техника воситаларидан, 
кўргазмали қуроллардан кенг фойдаланиш. Бу ўринда лингафон хоналарининг 
ўрнини алоҳида таъкидлаш лозим. Ўқувчи ўз талаффузидаги хатони ўзи 
эшитиб топсагина, бундай хато тезроқ бартараф қилинади. Шу мақсадда 
паузали машқлардан, фонограммалар, грампластинкалар, видиограммалардан 
фойдаланиш талаффуз малакаларини шакллантиришга ижобий таъсир қилади. 
Товушлар 
тақдимотида 
жадваллардан, 
расмлардан, 
карточкалардан, 
кўзгилардан фойдаланиш яхши натижа беради;
5.Талаффузга ўргатишни мулоқотгга, эшитиб тушунишга, ўқиш ва 
ёзишга ўрганиш билан комплекс ташкил қилиш.