Ўзбекистoн республикаси олий ва ўрта махсус таълим вазирлиги самарқанд давлат чет тиллар институти

 
6.«Бумеранг» усули 
“Бумеранг» пластмасса ёки темирдан ясалган ўроқсимон предмет 
бўлиб, улоқтирилганида отган кишининг ўзига қайтиб келади. Жисмнинг 
бундай хусусияти жуфт ёки гуруҳ бўлиб ишлашан ҳолда мулоқотга 
ўргатиш жараёнида ва дарснинг якунловчи босқичида янги лексик 
материални мустаҳкамлаш мақсадида намоён бўлади. 
Ушбу усул талабаларни дарс жараёнида, дарсдан ташқарида турли 
адабиётлар, матнлар билан ишлаш, ўрганилган материални ёдда сақлаб 
қолиш, сўзлаб бериш, фикрни эркин баён эта олиш, қисқа вақт ичида кўп 
маълумотга эга бўлиш ҳамда машғулот жараёнида барча талабаларнинг 
билимларини текшириш ва баҳолаш мақсадида ташкил қилинади.
 
Технология
 
амалий машғулотлар, семинар ёки лаборатория машғулотларида 
ҳамда суҳбат-мунозара шаклидаги машғулотларда якка тартибда, жуфт ва 
гуруҳ бўлиб ишлашда қўлланилиши мумкин. Машғулотни ўтказиш тартиби 
юқорида баён қилинган жуфт бўлиб ишлаш технологияси асосида ташкил 
қилинади. Мулоқотга ўргатишнинг бу технологияси биринчи талаба айтган 
жумлани иккинчи талаба томонидан эшитиб ва бир сўз қўшиб яна биринчи 
талабага қайтаришига асосланади. Биринчи талаба иккинчи талабанинг сўз 
қўшиб айтган жумласини яна такрорлайди ва иккинчи талаба жумлага яна 
бир сўз қўшиб унга қайтаради. Ўйин шу тариқа жумлани иложи борича 
кўпроқ кенгайтириб борилишигача давом эттирилади. Технология мулоқотга 
ўргатишда эшитилган жумлани кўп марталик такрор тамойилига асосланиб 
ташкил қилинади. Таълим технологиясининг мақсади аввал ўрганилган 
лексик бирликларни, грамматик материални оғзаки нутқда тўғри ишлатиб 
мустаҳкамлаш. Бунда эшитилган жумлага сўз қўша олмай қолган талаба 
ютқазган ҳисобланади. Ғолиб ва енгилган талабалар навбати билан бошқа 
жуфтликларнинг ғолиблари ва мағлублари билан куч синашади. Ҳар бир 
талаба неча марта ғолиб ёки мағлуб бўлганлиги ҳисоблаб борилади.
Намуна: 
1-талаба: Hier je suis allé au cinéma(Кеча мен кинога бордим).
2-талаба: Hier je suis allé au cinéma avec mon ami.(Кеча мен дўстим 
билан кинога бордим). 
1-талаба: Hier je suis allé au cinéma avec mon ami français. (Кеча мен 
француз дўстим билан кинога бордим). 
2-талаба: Hier je suis allé au cinéma avec mon ami français qui s’appelle 
Serge. (Кеча мен кинога Серж исмли француз дўстим билан бордим) 
1-талаба: Hier je suis allé au cinéma avec mon ami français qui s’appelle 
Serge et qui est très intelligent. (Кеча мен кинога француз дўстим билан 
бордим. У жуда ҳам ақлли.) 

---

21 
2-талаба: Hier je suis allé au cinéma avec mon ami français Serge qui 
s’appelle Serge qui est très intelligent et gai. (Кеча мен кинога Серж исмли 
француз дўстим билан бордим.У жуда ҳам ақлли ва қувноқ). 
1-талаба: Hier je suis allé au cinéma avec mon ami français Serge qui est 
venu de Paris. Il est très intelligent et gai. (Кеча мен киногаПариждан келган 
Серж исмли француз дўстим билан бордим.У жуда ақлли ва қувноқ). 
2-талаба: Hier je suis allé au cinéma avec mon ami français Serge qui est 
venu de Paris. Il est très intelligent et gai.Il est mon meilleur ami/ (Кеча мен 
жуда ҳам ақиллива қувноқ Париждан келган француз дўстим Серж билан 
кинога бордим). 
Бундай ташкил қилинадиган машғулотда ўрганилган лексикани 
мустаҳкамлашда қуйидаги вариантларда фойдаланиш мумкин: 
1. Биринчи жуфтлик аъзоси (гуруҳ аъзоси) бирорта от,сифат ёки феъл 
ишлатиб жумла айтади, иккинчи гуруҳ ёки жуфтлик аъзоси белгиланган 
сўзнинг синонимини ёки антонимини қўллаб жумлани такрорлайди. 
2. Биринчи жуфтлик аъзоси (гуруҳ аъзоси) бирорта от, сифат ёки феъл 
айтади, иккинчи жуфтлик аъзоси шу сўзни қўллаб жумла ясаб айтади. 
3. Биринчи жуфтлик аъзоси (гуруҳ аъзоси) она тилида (чет тилида) 
айтилган жумла ёки сўзни, иккинчи гуруҳ ёки жуфтлик аъзоси чет тилида 
(она тилида) таржимасини айтади. 
4. Биринчи жуфтлик мулоқот мавзуси бўйича бирор жумла айтади, 
иккинчи жуфтлик аъзоси уни бошқа шахсда, бошқа замонда, сўроқ ёки инкор 
формаларда айтади. Бундай фаолият жуфтликнинг (гуруҳнинг) иккинчи 
талабаси жавоб айта олмай қолганича давом эттирилади, натижалар
ҳисоблангач, ўйин талабаларнинг вазифаларини алмаштириб давом 
эттирилади.