Ўзбекистон республикаси олий ва ўрта махсус таълим вазирлиги самарқанд давлат чет тиллар институти

Тарбиянинг ҳаёт билан боғлиқлиги принципини амалга ошириш ўқитувчидан 
қуйидагиларни таъминлаш маҳоратини талаб этади: 
-
тарбияланувчилар томонидан меҳнатнинг жамият ва алоҳида шахс ҳаётидаги ролини 
тушуниш; 
-
фуқароларнинг ўсиб бораётган талабларини қондириш учун иқтисодий базанинг 
аҳамияти; 
-
моддий ва маънавий бойликларни яратувчи меҳнат кишиларига ҳурмат; 
-
ижодий меҳнатга бўлган қобилиятини ривожлантириш; 
-
замонавий ишлаб чиқаришнинг умумий асосларини тушуниш; 
-
иқтисодий билимларни эгаллаш; 
-
умумий маданият, меҳнатни илмий ташкил этиш; 
-
меҳнат фаолиятига шахсий ва ижтимоий қарашларни қўшиб олиб бориш; 
-
жамият мулки ва табиат бойликларига эҳтиёткорона муносабатда бўлиш; 
-
хўжасизлик, маъсулиятсизлик, боқимандалик, текинхўрлик кўринишларига 
муросасиз муносабатда бўлиш. 
Тарбиянинг ҳаёт, меҳнат билан алоқаси принципи қуйидаги шартларга риоя 
қилиб амалга оширилади: 
-
ижтимоий, иқтисодий ва меҳнат тарбиясида мавҳумлик ва ақидапарастлиликни 
бартараф этиш; 
-
тарбияланувчиларнинг фаолиятининг турли кўринишларида (шу жумладан, каникул 
давридаги ишларни қўшган ҳолда) иштирок этиш хоҳишларини қўллаб қувватлаш; 
-
тарбиявий ишларда маҳаллий ўлкашунослик материалларидан фойдаланиш; 
-
қабул қилинаётган қарорларга масъуллик ҳиссини ўргатиш; 
-
ижтимоий-иқтисодий соҳаларда бўлаётган ўзгаришларга мувофиқ тарбиянинг 
мазмуни, методи, восита ва шаклларини янгилаш. 
Тарбиявий жараённи шундай ташкил этиш керакки, тарбияланувчилар ўз 
меҳнатларининг кишилар жамият учун зарурлигини уларга манфаат келтиришни сезсинлар. 
Фойдали ишларга таяниш. Тарбияда фойдали ишга таяниш кишидаги ижобий 
ҳислатларни ва шу асосда етарлича шаклланмаган ёки салбий шаклланган сифатларни зарур 
даража ва уйғунликда аниқлашни кўзда тутади.