Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис

Ташиш ҳужжатларига қуйидагилар киради: 
· йўловчи чиптаси (Passenger Ticket) — йўловчи ташишда 
берилади. У йўловчи ва багажни ҳавода ташиш тўғрисида 
шартнома тузилганлигини тасдиқловчи, багаж квитанцияси 
илова қилинган ҳужжат ҳисобланади; 
· багаж квитанцияси (Baggage Check) — чиптанинг ўринлар 
сони ва топширилган багаж оғирлиги кўрсатилган қисми бўлиб, 
ташувчи томонидан йўловчи топширган багаж учун тилхат 
тарзида берилади; 
· пуллик багаж квитанцияси (Excess Baggage Ticket) — бепул 
ташиш меъёридан ортиқ багаж ёки ҳақ тўлаш мажбурий бўлган 
ашёлар учун ҳақ тўланганлигини, шунингдек багажнинг эълон 
қилинган қиммати учун йиғимлар тўланганлигини тасдиқловчи 
ҳужжат; 
· авиаюк ҳужжати (Air Waybill) — ташувчининг маршрутлари 
бўйича юк ташишга юк жўнатувчи билан ташувчи ўртасида 
тузилган шартномани тасдиқловчи ҳужжат. 

---

84 
Ташув мунтазам ёки чартер эканлигидан қатъи назар, ташиш 
шартномасининг шартларини бажариш мажбурийдир. Йўловчи 
ташиш тўғрисидаги шартномани тузишда муайян қоидаларга риоя 
қилиниши лозим.
7.3.Автобусларда туристларни ташиш. 
Автобус – ўтириш учун 8 кишидан ортиқ ўриндиқли 
(ҳайдовчининг ўриндиғидан ташқари) йўловчилар ташиш учун 
мўлжалланган двигатели автотранспорт воситаси. Автобуслар 
белгиланган маршрутлар бўйича назарда тутилган бекатларда 
йўловчиларни олган ва туширган ҳолда ёки буюртмачи – юридик 
ёки жисмоний шахс томонидан белгиланган маршрутлар бўйича 
йўловчиларни ташиш учун мўлжалланган.
Ҳудудий белгига қараб, шаҳарда йўловчи ташиш, шаҳардан 
ташқарига йўловчи ташиш, шаҳарлараро йўловчи ташиш ва 
халқаро йўналишларда йўловчи ташиш фарқланади. Шаҳарда 
йўловчи ташишга шаҳар (бир аҳоли яшайдиган жой) доирасида 
амалга ошириладиган йўловчи ташиш; шаҳардан ташқарига 
йўловчи ташишга шаҳар доирасидан ташқарига шу жумладан 50
кмгача масофага амалга ошириладиган йўловчи ташиш; 
шаҳарлараро йўловчи ташишга – шаҳар доирасидан ташқарига 50 
км дан узоқ масофага амалга ошириладиган йўловчи ташиш; 
халқаро йўловчи ташишга – Ўзбекистон Республикасидан 
ташқарига амалга ошириладиган йўловчи ташиш киради. Шу 
муносабат билан шаҳар автобуслари, шаҳардан ташқарига 
қатнайдиган автобуслар, шаҳарлараро автобуслар ва халқаро 
автобуслар фарқланади.