Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

4.3. Гипсотермометрлар 
 
Гипсотермометрлар ѐрдамида атмосфера босимини ўлчаш суюқлик 
қайнаш нуқтасининг атмосфера босимига боғлиқлигига асосланган. 
Суюқликнинг қайнаши тўйинган буғ босимининг атмосфера босимига 
тенглашган вақт моментида бошланади. Шундай қилиб босим ортганда 
суюқликнинг қайнаш нуқтаси кўтарилади ва аксинча. Масалан, босим 760 
мм. с.у. га тенг бўлганда қайнаѐтган сув буғининг ҳарорати 100° га тенг, 800 
мм. с.у. бўлганда – 101,4°, 700 мм с.у. бўлганда – 97,7° га тенг бўлади. 
Гипсотермометрлар махсус термометр ва қайнатгичдан ташкил топган (4.6- 
расм). Термометр Цельсий градусларида 0,0° гача ѐки босим бирликларида 
(мм с.у. ѐки гПа) градуировкаланган. 
4.5-расм. Гипсотермометр 
Қайнатгич металл идиш бўлиб, дистирланган сув билан тўлдирилган, 
унинг устидан икки қават деворли металл найча уланган. Термометр шу 
найча ичига ўрнатилади ва сув қайнаганда сув буғи билан ювилиб туради. 
Қайнатгичдаги сув «спиртовка» ѐрдамида иситилади (қиздирилади). 
 

---

67 
Назорат саволлари 
 
1. Нима учун суюқликли барометрларга симоб қуйилади? 
2. 20° ш.к. да ва 60° ж.к. да тортиш кучи бўйича киритиладиган 
тузатмалар қандай ишораларга эга бўлади? 
3. Симобли барометр кўрсаткичи нима мақсадда 0° ҳароратга ва 45°
 
кенгликка келтирилади? 
4. Босимни денгиз сатҳига келтириш нимани англатади? 
5. Анероид ѐрдамида атмосфера босимини ўлчаш қандай приципга 
асосланади? 
6. Барометр 
анероидлар кўрсаткичларига қандай тузатмалар 
киритилади? 
7. Анероидлар кўрсаткичларига ҳароратнинг таъсири қандай қилиб 
компенсацияланади? 
8. Барографлар нима мақсадда қўлланилади? 
9. Барограф лентаси қандай қилиб қайта ишланади? 
10. Гипсотермометрлар қайси принципга асосланган? 

---

68