Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

9- Мавзу. Тур маҳсулотни ишлаб чиқишда қисқа вақтга мўлжалланган қўшимча анимацион хизматлардан фойдаланиш

Турли ёшдаги туристларга мўлжалланган қисқа муддатли анимацион тадбир турлари. Тадбирларни мазмун ва моҳияти. Тадбир ўтказиладиган жойларни танлаш. Зарур жиҳозлар билан таъминлаш. Кулолчилик цехи, шойи тўқиш фабрикалари, ҳунармандлар фаолиятини кузатиш ва оддий шаклдаги буюмларни ишлаб- чиқариш, безатиш ишларида иштирок этиш. (Ўзбек миллий либосларини тикиш, намойиш этиш. Миллий таомларни тайёрлаш. Зардўзлик ишини ўрганиш. Миллий рақс, қўшиқ ва мусиқа асбобларини ўрганиш). Туристларни қизиқишига мос тадбирларни танлаш ва ўтказиш учун шароитлар яратиш. Тадбирларни электрон версиялари ва тарқатма материалларини тайёрлаш.

10- Мавзу. Театрлаштирилган томошалар дастурини ишлаб чиқиш (тарихий воқеаларни ва маросимларни саҳналаштириш)

Экскурсиялар мобайнида анимация хизматларидан фойдаланиш чора-тадбирларини ишлаб-чиқиш. Ўзбекистон тарихида муҳим роль ўйнаган маросимлар ва тарихий воқеаларни ўрганиш. “Наврўз” байрами, тўй маросими, ўзбек халқининг турмуш тарзи, тарихий шахслар ҳаётига оид воқеаларга ҳақида маълумотларни тўплаш. Матнларни тузиш. Зарур либос ва жиҳозлар билан таъминлаш. Тадбир ўтказиладиган жойни танлаш. Иштирокчиларни тадбирнинг мазмун ва моҳияти билан таништириш. Тадбирни ўтказиш ва натижаларни таҳлил қилиш. Театр жамоаси ва саҳналаштирувчи режисёрлар билан ҳамкорлик қилиш.

11- Мавзу. Узоқ муддатга ва турли ёшдаги мижозларга мос келадиган анимация дастурларини яратиш

Узоқ муддатга мўлжалланган анимация тадбирлари ҳақида маълумот тўплаш. 7-10 кунга мўлжалланган тадбирлар режасини ишлаб чиқиш. Хариталар, жиҳозлар ва либосларни танлаш. Дастур ўтказиладиган жойларни танлаш ва иштирокчилар учун шароитлар яратиш. Мижозларни ёши, қизиқиши, саёҳатнинг мақсадига мос равишда дастурлар лойиҳаларини тайёрлаш. Дастурлар асосан ўйин ва саргузашт шаклида ташкил этилади. Ҳодисалар мантиқий боғланган ва тарбиявий аҳамиятга эга бўлишига эътибор бериш лозим. Иштирокчиларни лойиҳанинг тартиб- қоидалари билан таништириш. Тарқатма материаллар билан таъминлаш. Лойиҳани амалга ошириш ва натижаларни таҳлил қилиш.