Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


ЎРТА МАХСУС, КАСБ-ҲУНАР ТАЪЛИМИ МАРКАЗИ



ТУРАНИМАТОР ФАОЛИЯТИ


ЎҚУВ АМАЛИЁТИ ДАСТУРИ
Билим соҳаси: 800000 - Хизматлар
Тайёрлов йўналиши: 3810100- Туризм
Касби: 3810101- Туристик хизматлар ташкилотчиси

Тошкент – 2012
Фан дастури Олий ва ўрта махсус, касб-ҳунар таълими тайёрлов йўналишлари буйича Мувофиқлаштирувчи Кенгашнинг 2012 йил “__”_____даги ___ -сон мажлис баёни билан маъқулланган.
Фан дастури Тошкент туризхм касб-ҳунар коллежида ишлаб чиқилди ва «Хизматлар» билим соҳаси бўйича шўъба келишувидан ўтказилди. (2012 йил 29 августдаги 1- сонли мажлис баёни).


Тузувчилар: А.А.Аллабергенов Тошкент Туризм КҲК ўқув ва ишлаб
чиқариш бўйича директор ўринбосари
Н.Ҳ.Шаабасова Тошкент Туризм КҲК махсус фан
ўқитувчиси
Тақризчилар: О.Джалилов Ўзбекистон хусусий туристик
ташкилотлар уюшмаси раиси


Кириш

Мамлакатни модернизациялаш, демократик бозор ислоҳотларини ва иқтисодиётни либераллаштиришни янада чуқурлаштириш шароитида туризм соҳасидаги халқаро андозаларни мамлакатимиз таълим тизимида қўллаш бўйича ишларни олиб бориш ҳозирги куннинг энг долзарб масаласи бўлиб ҳисобланади.

Ушбу ўқув амалиёти дастурида “Тураниматор фаолияти” га тегишли бўлган барча мавзулар бўйича ўқувчиларга Давлат таълим стандартлари асосида етказилиши шарт булган минимум билимлар ва кўникмалар тўла қамраб олинган.
I. Фаннинг мақсади ва вазифалари

“Тураниматор фаолияти” ўқув амалиёти «Туристик хизматлар ташкилотчиси» йўналиши бўйича таълим олувчи талабаларга мўлжалланган. Бу фанннинг асосий мақсади туристик ресурслардан оптимал фойдаланиш, турли хил туристик йўналишлар бўйича турларни ташкил этиш, миллий урф-одат ва маросимлар асосида анимацион дастурлар ишлаб чиқиш, турмаҳсулотни ишлаб чиқишда қисқа вақтга мўлжалланган қўшимча анимацион хизматлардан фойдаланиш, театрлаштирилган томошалар дастурини ишлаб чиқиш (тарихий воқеаларни ва маросимларни саҳналаштириш), узоқ муддатга ва турли ёшдаги мижозларга мос келадиган анимация дастурларини яратиш ишини ташкил этишни ўргатишдан иборат.